a’meliy sabaq. Tema: Biriktiriwshi toqima. Haqiyqiy biriktiriwshi toqima. Arnawlı qasiyetke iye biriktiriwshi toqimalar

Qon`ır may toqıması. Elektron mikro su`wret. 
1 – mitoxondriya; 2 – may tamshıları. 
 
Pigment toqıma. 
Ko`p mug‘darda pigment kletkalardı saqlaydı. Bul toqıma sorg‘ısh a`tirapında, anal tesigi 
a`tirapında, ko`zdin` qan tamırı ha`m ren`li perdelerinde ushıraydı. 
 
Silekeyli toqıma. 
Tek embrionda ushıraydı. Onın` kletkaları tiykarınan fibroblastlar bolıp, tiykarg‘ı zatı ju`da` ko`p 
mug‘darda gialuron kislotası ushıraydı. Bul kislota tiykarg‘ı zatqa dirildeklik yamasa silekeyli qa`siyet 
beredi. 
Biriktiriwshi toqımanın` jasqa qarab o`zgeriwi. 
Biriktiriwshi toqımada jas o`tiwi menen kletkaları, tiykarınan fibroblastlar kemeyedi, bunın` 
na`tiyjede tiykarg‘ı zat ta kemeyedi. Jas o`tiwi menen gialuron kislota kemeyip xondriotinsul`fat ha`m 
onın` efirleri asadı. Sul`fatlang‘an polianionlar asıwı menen onın` qan plazmasının` beta - lipoproteid 
fraktsiyası menen erimeytugın kompleksler payda qılıwg‘a alıp keledi. Bul bolsa qan tamırlar diywalında 
aterromatoz deneshelerdin` payda bolıwına ha`m ateroskleroz keselliginin` rawajlanıwına sebep boladı. 
Solay etip jas o`tiwi menen biriktiriwshi toqımanın` talaları ko`beyip kletka elementleri kemeyedi.
 
Qan ha`m biriktiriwshi toqıma kletkalarının` o`z-aro baylanası. 
Qan ha`m biriktiriwshi toqıma kletkalarının` du`zilisi, xızmeti ha`m kelip shıg‘ıwı boınsha bir-
biri menen tıg‘ız baylanıslı. Soaw organizmde olar arasındag‘ı baylanıs da`rhal ko`zge taslanbaydı. 
Geyde keselliklerde (mısalı asqınıwlarda) bul kletkalardın` birgelikte iskerligin ko`riw mu`mkin. 
Jaraqatlangan jerge da`slep neytrofiller kelip jat deneshelerdi fagotsitoz qıladı ha`m o`zleri de ko`p 
mug‘darda jemiriledi. Keyingi basqıshta bul jerge ko`p mug‘darda monotsitler ha`m limfotsitler 
toplanadı. Monotsitler makrofaglarg‘a aylanıp, jat denesheler ha`m jemirilgen kletkalardı fagotsitoz qılıp, 
jaraqatlang‘an jerdi tazalaydı. Keyin bolsa bul jerge fibroblastlar kelip qayta tikleniwi (regeneratsiyanı) 
baslaydı. Solay etip, jaraqatlang‘an protsesste sha`rtli ra`wishte izbe-iz keletug‘ın u`sh basqıshtı ko`riw 
mu`mkin: 
a) leykotsitler 
b) makrofaglar 
v) fibroblast basqıshları