a’meliy sabaq. Tema: Biriktiriwshi toqima. Haqiyqiy biriktiriwshi toqima. Arnawlı qasiyetke iye biriktiriwshi toqimalar

 
 
Sabaq rejesi: 
1.Temanın` teoriyalıq bo`liminin` talıqlanıwı. 
2.Mikroskopta siyrek biriktiriwshi toqıma preparatın ko`riw. 
3.Al`bomg‘a siyrek biriktiriwshi toqımanın` du`zilis printsipin sızıw. 
4.Keyingi temanı tu`sindiriw. 
5.Al`bomlardı tekserip sabaqtı juwmaqlastırıw. 
Teoriyalıq bo`lim
. 
Biriktiriwshi toqıma haqıyqıy biriktiriwshi toqımadan shemirshek ha’m su`yek toqımasınan ibarat. 
Biriktiriwshi toqıma trofik, qorg‘aw, plastik ha’m mexanik ha’m tayanısh xızmetlerin atqaradı. Haqıyqıy 
biriktiriwshi toqıma talalı biriktiriwshi toqıma ha’m arnawlı qa’siyetke iye bolg‘an biriktiriwshi 
toqımag‘a bo`linedi. Talalı biriktiriwshi toqıma o`z na’wbetinde siyrek ha’m tıg‘ız talalı tu`rlerge 
bo`linedi. Siyrek talalı biriktiriwshi toqımada talaları kem kletkalar aralıq zatları ko`p boladı. Bul toqıma 
ku`shli regeneratsion qa’bileti joqarı plastik ha’m adaptatsion imkaniyatı menen xarakterli. Biriktiriwshi 
toqıma kletka elementleri:
Fibroblastlar.
Iri tuwrı emes formag‘a iye bolıp, qabig`i bir qansha uzın o`simteler payda qıladı. 
Fibroblast tsitoplazmasında eki bo`lim: sırtqı-ektoplazma ha’m ishki endoplazma parqlanadı. Ektoplazma 
tek gialoplazmadan du`zilgen bolıp, ashıq boyaladı. Endoplazma bolsa yadro a’tirapında organella ha’m 
kiritpeler jaylasqan toyg‘ınraq boyalg‘an bo`limi. Tsitoplazmada jaqsı rawajlang‘an endoplazmatik tor, 
Gol`dji kompleksi, mitoxondriyalardı ha’m lizosomalardı ko`riw mu`mkin. Biriktiriwshi toqımada tu`rli 
da`rejede jetilgen fibroblast kletkaları ushırasıwı mu`mkin. Jas fibroblastlar mitoz jolı menen bo`linip, 
ko`beyiw qa’siyetine iye. Jetilisken fibroblastlar en` aktiv kletkalar bolıp, kletkalar aralıq zattı sintez 
qıladı. Fibrositler – fibroblastlardın` definitiv forması bolıp, bul kletkada organellalar keskin kemeygen.
Ayırım bir sharayatlarda (ma’selen ha’milederlıq waqtında jatırda) fibroblastlar tegis bulshıq et 
kletkalarına uqsas bolg‘an miofibroblastlarg‘a aylanıuı mu`mkin. Bunnan tısqarı biriktiriwshi toqımada
fibroklast kletkaları da payda bolıwı mu`mkin.