Ambassade de Suisse auprès de l'Ouzbékistan et de la République kirghize

Ambassade de Suisse auprès de l'Ouzbékistan et de la République kirghize

Sayyohlik vizasi

Har bir murojat etuvchi (bolalar ham), viza olish uchun toʻplagan hujjatlarni toʻlaligicha shaxsan oʻzi Shveytsariyaning Toshkentdagi elchixonasiga yoki Bishkekdagi konsullik agentligiga taqdim etadi. Sayyohlik vizasi uchun soʻraladigan hujjatlar :

1) Shveytsariyada mehmonxona oldindan band qilinganligini va toʻlanganligini tasdiqlovchi hujjat. Unda quyidagi ma’lumotlar boʻlishi lozim :

- Viza soʻrovchisining familyasi, ismi va manzili

- Memonxonada turish muddati (kelish-ketish san’alari aniq koʻrsatilishi lozim)
Ushbu tasdiq hujjati Shveytsariya vakolatxonasiga toʻgʻridan-toʻgʻri pochta yoki faks orgali joʻnatilishi kerak.

2. 
   Sayyohlik muddati 4 kundan ortiq boʻlsa, sayyohlik programmasidan 1 nusxa.
   

2. 
   Viza soʻrayotgan shaxs tomonidan toʻgʻri va toʻliq, bosma harflarda nemis, fransuz, italyan yoki ingliz tillaridan birida toʻldirilgan va imzolangan anketa. Anketalarni quyidagi internet manzildan topish mumkin :
   

Fransuz va ingliz tillarida :

http://www.bfm.admin.ch/content/dam/data/migration/einreise/visumantragsformulare/visumantrag-schen-fr-en.pdf
Nemis va rus tillarida :

http://www.bfm.admin.ch/content/dam/data/migration/einreise/visumantragsformulare/visumantrag-schen-ru-de.pdf

2. 
   Viza soʻrayotgan shaxsning pasporti va uning 1 nusxasi (familyasi, ismi, surati va imzosi mavjud sahifasi hamda, oldin Shengen vizasi olingan boʻlsa, oxirgi ikki Shengan vizasi qoʻyilgan sahifalari). Viza soʻralayotgan paytda pasportning berilgan vaqti 10 yildan oshmagan boʻlishi kerak. Pasportning yaroqlik muddati Shengen hududidan qaytib chiqqandan keyin ham eng kamida 3 oy boʻlishi shart va pasportda vizalar uchun eng kamida 2 boʻsh sahifa boʻlishi lozim.
   

5. 
   Shengen talablariga muvofiq yaqin kunlarda tushgan ikkita fotosurat. Ulardan biri anketaga yopishtiriladi va ikkinchisi qolgan hujjatlar bilan taqdim etiladi.
   

Fotosurat uchun talablar (ingliz tilida) quyidagi internet manzilda :

http://www.eda.admin.ch/etc/medialib/downloads/edactr/rus.Par.0083.File.tmp/Photograph_Guidelines_en.pdf
6) Butun safar davomida Shengen hududini toʻlaligicha qoplaydigan tibbiy sugʻurta polisidan nusxa. Sugʻurta summasi eng kamida 30'000.00 Evro boʻlishi lozim. Quyidagi sugʻurta tashkilotlari Oʻzbekisonda akkreditatsiyadan oʻtgan:
- Uzbekinvest Hayot, Kafolat, INGO Uzbekistan, Alfa Life

7. 
   Ish joyidan xat (asl nusxasi). Xatda viza soʻrayotgan fuqaroning lavozimi, ishga qabul qilingan vaqti, maoshi, ta’til kunlari koʻrsatilishi hamda safardan qaytgach oʻz ish oʻrnida ishlashi tasdiqlanishi lozim. Talabalar, talabalik guvohnomasining asli va uning tarjima qilingan (notarial tasdiqlovsiz) bir nusxasini taqdim etishadi.
   

7. 
   Borish-kelish uchun qilingan aviabilet broni.
   

9. 
   Moliyaviy imkoniyat mavjudligini tasdiqlash uchun bank hisobidan oxirgi 3 oylik koʻchirma. Ushbu ma’lumot viza soʻrovchisining moliyaviy ahvolini oʻrganish uchun xizmat qiladi va shu sababdan ushbu ma’lumot barcha xarajatlar uchinchi shaxs zimmasida boʻlsa ham soʻraladi (oila a’zolaridan tashqari).
   

9. 
   Viza toʻlovi kattalar uchun 60.00 Evro va oʻz pasportiga ega 6 yoshdan 12 yoshgacha boʻlgan bolalar uchun 35 Evro. 1 yoshdan 5 yoshgacha boʻlgan bolalar uchun va ota-ona pasportida boʻlganlar uchun viza bepul. Viza toʻlovlari soʻrovnoma topshirilayotgan vaqtda faqat naqd shaklida va AQSH dollarida amalga oshiriladi (Faqatgina 1996-yildan soʻng chiqqan, yangi va ortiqcha belgilarsiz pullar qabul qilinadi). Toʻlovlar valyuta kurslariga qarab oʻzgarib turadi. AQSH dollari kursini bilish uchun marhamat qilib elchixona Internet sahifasiga kiring.
   

18 yoshga toʻlmaganlar uchun va ota-ona pasportiga kiritilganlar uchun quyidagi qoʻshimcha hujjatlar taqdim etiladi:
- Tugʻilganlik haqidagi guvohnoma (asli va uning bir nusxasi nemis, fransuz, italyan yoki ingliz tillaridan biriga qilingan tarjimasi bilan)

• 
  Kuzatib borayotgan ota yoki onaning pasportidan nusxa (faqat familyasi, ismi, surati va imzosi mavjud sahifasi)
  

• 
  Ota yoki onaning pasportidagi bola kiritilgan sahifasidan bir nusxa
  

• 
  Pasportiga bola kiritilgan ota yoki ona tomonidan tegishli ravishda to‘ldirilgan va imzolangan anketa
  

• 
  Shengen talablariga muvofiq yaqin kunlarda tushgan ikkita fotosurat (ulardan biri anketaga yopishtiriladi va ikkinchisi qolgan hujjatlar bilan taqdim etiladi)
  

Agar bola safarga ota yoki ona hamroligisiz va yolgʻiz chiqadigan boʻlsa:

• 
  Ota-onaning notarial tasdiqlangan chetga chiqish uchun bergan ruhsatnomasi (asli va nusxasi, nemis, fransuz, italyan yoki ingliz tillaridan biriga qilingan tarjimasi bilan)
  

Soʻrovnomalarni koʻrib chiqish muddati
Oʻzbekiston fuqarolarining soʻrovnomalarini koʻrib chiqish muddati, hujjatlar toʻlaligicha Shveytsariyaning Toshkentdagi elchixonasiga topshirilganda, 7 - 10 kun atrofida.
Qirgʻiziston fuqarolarining soʻrovnomalarini koʻrib chiqish muddati, hujjatlar toʻlaligicha Shveytsariyaning Bishkekdagi konsullik agentligiga topshirilgach (agentlik hujjatlarni Toshkentdga joʻnatilad) 14 kun atrofida.
Elchixona, lozim topsa, hohlagan vaqtda qoʻshimcha hujjatlar taqdim etilishini soʻrashi mumkin.
Nemis, fransuz, italyan yoki ingliz tillarida yozilmagan barcha hujjatlar tarjimasi bilar birgalikda taqdim etilishi shart.

Elchixona manzili:
Shota Rustaveli Street, Tupik ¼

100070 Tashkent

Oʻzbekistondagi telefon : [phone] (viza boʻlimi)

Shveytsariyadan telefon qilinsa : 031 / 324 18 41 (Shveytsariya linyasi)

Faks : 031 / 324 18 44 (Shveytsariya linyasi)

Elektron manzil : [e-mail]

Web sahifa : www.eda.admin.ch/tashkent
Viza boʻlimining ish vaqti
Hujjatlarni qabul qilish: Dushanba - Payshanba 09:00 – 12:00

Pasportlarni qaytarish : Dushanba - Payshanba 15:00 – 16:00

Juma 12:00 – 13:00
Telefon orqali murojatlar uchun Dushanba - Payshanba 14:00 – 17:00

Juma 08:45 – 13:00

	/