Amaliy matematika va informatika yunalishi

Grasman qonunlari. Agar ko„zga nurlanishlar aralashmasi ta‟sir qilayotgan bo„lsa, u holda retseptorlarning har birining ta‟sirlanishlari o„zaro qo„shiladi. Bo„yalgan yorug„lik dastalarini aralashtirish yangi rangdagi yorug„lik dastasini beradi. Berilgan rangni olishni shu rangni sintez qilish deyiladi. Ranglarni sintez qilish qonunlarini G. Grasman ifodalab bergan edi (1853 y.).

Grasmanning birinchi qonuni (uch o„lchamlilik). Har qanday rangni o„zaro chiziqli bog„liq bo„lmagan uchta rang orqali bir qiymatli tarzda aniqlash mumkin.

CHiziqli bog„liq bo„lmaslikning ma‟nosi shundaki, ushbu ranglardan birortasini ham qolgan ikki ranglarni o„zaro qo„shish orqali hosil qilib bo„lmaydi. Ushbu qonun ranglarni rang tenglamalari yordamida ifodalash mumkin ekanligini tasdiqlaydi.

Grasmanning ikkinchi qonuni (uzluksizlik). Nurlanishlarning uzluksiz tarzda o„zgarishlarida rang ham uzluksiz tarzda o„zgaradi.

O„ziga nihoyatda yaqin bo„lgan birorta rangni ham tanlab olish mumkin bo„lmagan rang mavjud emas.

Grasmanning uchinchi qonuni (additivlik). Nurlanishlar aralashmasining rangi spektral tarkibga emas, faqatgina ularning ranglarigagina bog„liqdir.

Ushbu qonundan ranglar to„g„risidagi nazariya uchun birinchi darajali ahamiyatga ega bo„lgan narsa – rang tenglamalarining additivligi kelib chiqadi: agar bir nechta rang tenglamalarining ranglari rang tenglamalari orqali ifodalangan bo„lsa, u holda rang ana shu tenglamalarning yig„indisi orqali ifodalanadi.