Amaliy mashg`ulot№1. Mavzu: Ishlab chiqarishda ish kuni xronometraji,mehnatning og`irligi va keskinligi(zo`riqish) ni baholashni o`rganish

Ishlab chiqarish korxonalarida JSN ni olib borishda sanitar shifokorlar tomonidan quyidagi 2 asosiy vazifa amalga oshiriladi:

• 
  nazorat ostidagi korxonalarda mehnat sharoitlarini yaxshilash, kasb kasalliklarini oldini olish va ish qobiliyatini oshirishga qaratilgan chora-tadbirlarni amalga oshirilishi ustidan davlat sanitariya nazoratini o‘tkazish;
  
• 
  nazorat ostidagi ob’ektlarni sanitariya holatini tahlil qilish, amaldagi sanitariya qoida va qonunlarga asoslanib sog‘lomlashtirish tadbir choralarini tuzish va ularning bajarilishini nazorat qilish.
  

3 xil ko‘rinishdagi sanitariya tekshiruvi farq qilinadi:

• 
  rejali (mukammal) sanitariya tekshiruvi
  
• 
  mavzuviy sanitariya tekshiruvi
  
• 
  kontrol sanitariya tekshiruvi
  

JSN bu har tomonlama chuqur ish sharoitini ishni qanday tashkil etilganligini,ish bajarishni mazmuni,o‘rganilib ishlab chiqarish ob’ektlaridagi ishchilar ish qobiliyatini,ularni salomatliklarini saqlashga qaratilgan faoliyat turi hisoblanadi.Bu vazifalarni bilish va uni amalga oshirish uchun JSN davomida laborator tadqiqot ishlari,umumiy va kasb kasalliklarini tahlil qilish ishlari, alohida korxona, alohida sex,alohida kichik sexlari va boshqa ishlab chiqarish bilan bog‘liq ob’ektlarni sanitariya nazorati o‘tkaziladi.Olingan natijalar tahlil amaldagi gigienik me’yorlarga solishtirilib,ular bo‘yicha sog‘lomlashtirish tadbirlari ishlab chiqiladi. Sog‘lomlashtirish tadbirlarini amaliyotga tadbiq qilib,ishchilar o‘rtasidagi charchash,funksional holatlardan o‘zgarishlarni me’yorga kamaytirish,shaxsiy himoya vositalari(SHHV)bilan ta’minlash va targ‘ibot-tushuntirish ishlari olib boriladi.Aholi salomatligini muhofaza etish va mustahkamlash,uning moddiy va ma’naviy darajasini ko‘tarish O‘zbekiston Davlat siyosatining muhim bir qismi bo‘lib hisoblanadi.Bu holat mamlakatning asosiy qonuni–O‘zbekiston Respublikasi konstitutsiyasi va “Fuqarolar salomatligini himoya qilish”O‘z Respublikasi Mehnat kodeksida o‘z aksini topgan.