Amaliy mashg`ulot: sinfda o’quvchilarning ish joyini to’G’ri tashkil etish. Mashg`ulotning maqsadi

1. 
   AMALIY MASHG`ULOT: SINFDA O’QUVCHILARNING ISH JOYINI TO’G’RI TASHKIL ETISH.
   

Mashg`ulotning maqsadi: Talabalarga mavzu yuzasidan nazariy ma`lumotlar berish va berilgan mavzu yuzasidan amaliy mashqlar bajarish. Kichik yoshdagi o’quvchilarni chiroyli yozuvga o’rgatish uchun sinfda o’quvchilarning ish joyini to’g’ri tashkil etishga o`rgatish haqida nazariy ma`lumotlar berish.

Mashg`ulot jihozi: Yozuv daftari, taqdimot, Boshlang`ich sinf darsliklari, kalendar-tematik rejalar.

AMALIY ISHLASH UCHUN TOPSHIRIQLAR:

1. Mavzu haqida qisqacha ma`lumot.

2. Mavzuga doir didaktik topshiriqlar.

3. Mavzuga oid test topshiriqlarini bajarish

4. Uyga topshiriq.

MAVZU HAQIDA QISQACHA MA`LUMOT.

Sinfda o’quvchilarning ish joyini to’g’ri tashkil etish

O’quvchilar juda ko’p vazifalarni, ya'ni o’qish, yozish, rasm chizish va boshqa mashqlarni partada o’tirib bajaradilar. Bu davrda o’qituvchi o’quvchilarni to’g’ri o’tirishga o’rgatishi, ularning erkin ishlashi uchun zarur shart-sharoit yaratib berishi kerak. Buning uchun o’quv yili boshida o’qituvchi maktab hamshirasi bilan hamkorlikda bolalarni yoshiga, bo’yiga hamda ko’rish va eshitish qobiliyatlariga qarab partalarga o’tqazishi lozim.

O’quvchilar partasi sinfdagi asosiy jihoz bo’lib, u o’quvchilarning yoshlari va bo’ylariga mos, yozish va rasm chizish uchun qulay bo’lishi va o’quvchi o’tirib-turganda xalaqit bermasligi lozim.

Yozuv qurollari va ulardan to’g’ri foydalanish. O’quvchilarda yozuv malakalarini hosil qilishdan oldin, ularni sifatli yozuv qurollari bilan ta'minlash lozim. Yozuvning chiroyli bo’lishi ko’p jihatdan yozuv qurollariga bog’liq. Ularning yozuv qurollarini muntazam nazorat qilib borish o’qituvchining muhim vazifasidir.

Dastur talablari bo’yicha 1-sinf o’quvchilari «Alifbe» kitobiga ilova tariqasida chiqarilgan «Yozuv daftari»dan foydalanishlari lozim.

«Yozuv daftari» sifatli qog’ozdan ishlangan, silliq va chiziqlari aniq ko’rinib turadigan bo’lishi lozim. Daftardagi qiya chiziqlar oralig’i 25 mm, qiyaligi 65°, kichik harflar yoziladigan satr chizig’i oralig’i 5 mmga teng bo’lishi lozim.

O’quvchilar uchun tavsiya etiladigan sharikli yoki gelli avtoruchkalarning yo’g’onligi ularning qo'l barmoqlariga mos bo’lib, uzunligi 130 mmdan oshmasligi lozim. O’quvchilar yozuvining sifati ko’p jihatdan yuqorida ko’rsatib o’tilgan yozuv qurollariga bog’liq.

Yozuv sifatini shakllantirish. Yozuvning sifatini shakllantirish deganda, biz uning aniq va toza, bir xil qiyalikda va balandlikda bo’lishini, bir tekis silliq yozilishini tushunamiz.

O’quvchilarda yozuv sifatlarini shakllantirish uchun o’qituvchi quyidagi ko’rsatmalarga amal qilishi lozim:

1.