Amaliy mаshg`ulоt: Оvqаt rаtsiоnini tuzish printsiplаri Nazariy tushuncha

Amaliy mаshg`ulоt: Оvqаt rаtsiоnini tuzish printsiplаri
Nazariy tushuncha. Organizm o‘z xayot faoliyati uchun zarur energiyani ovqat tarkibidagi oqsil, yog va uglevodlardan oladi. Bundan tashqari, ovqat energiya zapasini uzluksiz to‘ldirib turish bilan birga organizm to‘qimalarining tiklanishi va qayta qurilishi uchun zarur xar xil moddalar bilan ta'minlab turadi.

Ovqat ratsionini tuzish uchun ovqat maxsulotlari tarkibini, sifati va miqdorini aniq bilish zarur bo‘ladi. Ovqatlanishning fiziologik normalari odamning yoshi, jinsi, bo‘yi, vazni, u yashaydigan iqlim sharoiti, geografik joylashishi, shuningdek, bajaradigan ishining turiga qarab turli odamda turlicha bo‘ladi.

Sutkalik ovqat ratsioniga qo‘yiladigan talablar quyidagicha: a) ovqat ratsionining kaloriyasi sutkalik energiya sarfini qoplashi zarur; b) ovqat yetarli miqdorda ugle-vodlar, oqsillar va yoglarga, shuningdek, vitaminlar, mineral tuzlarga boy bo‘lish kerak; v) ovqatni iste'mol qilish vaqti to‘g‘ri taqsimlangan bo‘lishi zarur. bir kunda 3 marta: ertalab, tushlik va kechqurun ovqatlanish oralig‘i 6-7 soatdan oshmasligi zarur. sutkalik kaloriyaning 30 %ini ertalab, 50 %ini tushda, 20 %ini kechqurun olish kerak; g) kattalarning kasb-kori, bolalarning yoshi, sportchilarning esa ish xarakteri hisobga olinishi shart; d) iste'mol qilingan ovqat hajmi to‘yganlik hissini yuzaga keltiradigan bo‘lsin; ye) iste'mol qilinadigan har galdagi ovqat tarkibiga kiradigan moddalar ratsional taqsimlangan bo‘lishi kerak: oqsil va yog‘larga boy ovqatlarni kunduzgi soatlarda, sutli va o‘simlik mahsulotlaridan tayyorlangan ovqatlarni kechqurun tanovvul qilish tavsiya etiladi.