Amaliy mashg’ulot Kirish. Fan haqida umumiy tushuncha. Fanning maqsad va vazifalari

Fanning maqsad va vazifalari

Farmatsevtika sanoati uchun dorivor o‘simliklar xom ashyo mahsulotlarini tayyorlash saqlash va dastlabki qayda ishlash bevosita etishtiruvchi (tayyorlovchi) mutaxassislarga bog‘lik bo‘lib, ko‘yiladigan farmatsevtik talablarga javob berishi kerak. YA’ni, xom ashyo mahsulotlarni tovar (belgilangan tartibda) holatida tayyorlash, o‘simliklarni belgilangan tartibda quritish, xom ashyo mahsulotlarini imkoniyati boricha isrof qilmasdan hamda sifatli saqlash; mahsulotlarni saqlash davrida tegishli texnologik jarayon va usullarni qo‘llab ularning sifatini yanada oshirish, oz mehnat sarf-harajat qilib, mahsulotlarni rentabel holda saqlashni taqozo etadi.
Dorivor o‘simliklarni tayyorlash, quritish va saqlash texnologiyasi fani xom-ashyo turlarini sifatli tayyorlash va saqlash jarayonlari, shuningdek ularni dastlabki qayta ishlash jarayonlari bilan tanishtiradi va atroflicha o‘rgatadi. Soha mutaxassislari etishtirgan xom ashyo mahsulotni qanday maqsadda ishlatilishini bilishi muhim. Bu fanni to‘liq o‘rganish mutaxassislarda dorivor o‘simliklar xom-ashyosini tayyorlash, saqlash va qayta ishlash bo‘yicha malakali bilim va ko‘nikmalarni shakllantiradi.
Dorivor o‘simliklarini tayyorlash, quritish, saqlash va dastlabki qayta ishlash fanining maqsadi shartli ravishda quyidagicha izohlanadi;
1.Dorivor o‘simliklar xom ashyo turlari va ularni tayyorlash mavsumlarini nazariy va amaliy asoslarini o‘rgatish.
2.Dorivor o‘simliklar xom-ashyolarini tayyorlash, quritish, saqlash va dastlabki qayta ishlash usullari o‘rgatish.
3.Xom-ashyoni ishlab chiqarish uchun tayyor tovar va sertifikat asosida standart holiga keltirish usullarini o‘rgatish.
4.Farmatsevtika sanoatiga toza va ekologik sof dorivor xom-ashyo mahsulotlarini etkazib berish.
Uning vazifalarni:

1. 
   Dorivor o‘simlik xom-ashyo turlari va ularni tayyorlash mavsumlarini bilish.
   
2. 
   Dorivor o‘simlik xom-ashyolarini tayyorlash, quritish, saqlash va dastlabki qayta ishlash usullari bilish.
   
3. 
   Dorivor o‘simlik xom-ashyolarini ishlab chiqarish uchun tayyor standart holiga keltirish usullarini bilish.
   
4. 
   Toza va ekologik sof dorivor o‘simlik xom-ashyolarini tayyorlash usullarini bilish.
   
5. 
   Dorivor o‘simlik xom-ashyolarini qadoqlash usullarini bilish.
   
6. 
   Dorivor o‘simlik xom-ashyo turlarini saqlash usullarini bilish.
   

SHunday qilib, “Dorivor o‘simliklar xom-ashyolarini tayyorlash, saqlash va dastlabki qayta ishlash” fani kompleks fan bo‘lib, o‘z ichiga juda ko‘p masalalarni oladi. Bu esa o‘z navbatida farmatsevtika sanoati uchun dorivor o‘simlik xom ashyo turlarini tayyorlashning nazariy va amaliy asoslarini (xom ashyoni tayyorlash, quritish, saqlash va dastlabki qayta ishlash usullari hamda standart va sertifikat asosida tovar holiga keltirish usullarini) o‘rgatish hamda toza va ekologik sof dorivor xom-ashyo mahsulotlarini etkazib berishni taqozo etadi.


Nazorat savollari

1. 
   O‘tmishda qanday mahsulotlarni saqlangan?
   
2. 
   Mahsulot saqlanadigan idish turlarini aytib bering
   
3. 
   Nima maqsadlarda saqlangan?
   
4. 
   Hozigi kunda bunday usullarga misol keltiring