Amaliy ishI №2 mavzu: Odam gavdasidan o’lchov olish tartib qoidalari Ishdan maqsad

AMALIY IShI № 2

MAVZU: Odam gavdasidan o’lchov olish tartib qoidalari

Ishdan maqsad: Odam gavdasi haqida ma’lumot va gavdadan o‘lchov olish bo‘yicha bilim va ko‘nikalarni hosil qilish.

Kerakli jihozlar va asbob-uskunalar. Santimetrli lenta, qalam, qomatdan o‘lchov olishga oid adabiyotlar, ko’rgazmali qurollar, plakatlar va video lavhalar, proyektor, kompyuter.

Umumiy ma’lumot

Tikuvchilik mutaxassisligida kiyim modelini ishlab chiqarish uchun odam gavdasining tuzilishi haqida tasavvurga ega bo‘lishi zarur.

Anatomiya – kishi organizmi: ayrim organlar va sistemalarning tuzilishi hamda formalari haqidagi fan. Anatomiya morfologiyaning bir qismi hisoblanadi.

Morfologiya – kishi organizmining shaxsiy o‘zgaruvchanligi gavda o‘lchamlari va mutanosibliklarining yoshga qarab o‘zgarishi hamda organizm ayrim qismlarining o‘zgaruvchanligi qonuniyatlari haqidagi fan bo‘lib inson tanasining tuzilishi haqidagi ta’limotdir.

Antropologiya fani esa yuqoridagilarning hammasini o‘z ichiga olib odam gavdasi tuzilishi haqida to‘liq ma’lumot beradi.

O‘lchov olish tartibi (1-rasm). Kiyimni to‘g‘ri tikish uchun o‘lchovlarni to‘g‘ri olish lozim. O‘lchovi olinayotgan kishi qo‘llarini tushirib; to‘g‘ri turishi va o‘zviy erkin tutishi lozim. O‘lchov olishda kiyimningto‘g‘ri va fasoni nazarda tutilishi kerak. O‘lchov santimetrli lenta yordamida olinadi, bunda lentani tarang tortish ham, juda bo‘shatib yuborish ham yaramaydi. O‘lchov olishga kirishishdan oldin bel chizig‘ini aniq belgilab olish kerak, buning uchun belga santimetrli tasma yoki belbog‘ bog‘lanadi. Uzunlikni (bo‘yni) ko‘rsatuvchi o‘lchovlarning hammasi to‘la (yaxlitlab, ya’ni butun santimetrlar hisobida) yoziladi, andazalarni ko‘rsatuvchi o‘lchovlar esa yarmi yoziladi.

Bichish va tikishni tuliq bajarish uchun konstruktsiyalash ishini amalgan oshirish kerak.