Amaliy ish tish frezalash stanoklarini sozlash

1 - AMALIY ISH


TISH FREZALASH STANOKLARINI SOZLASH


Ishdan maqsad: tish frezalash stanoklarini sozlashni o‘rganish.


Nazariy qism


Silindrik tishli g’ildiraklarga chervyak frezalar bilan ishlov berish

Bu usulda chervyakli uzatmaning ilashishi takrorlanadi. Chervyak – asbob, g’ildirak – zagotovka. Chervyak tishlarining profili reyka tishlaridan iborat. Chervyak freza silindrda joylashgan va bir-biriga nisbatan vint chizig’i bo‘yicha siljitilgan dastlabki kesish reykalari (tish kesish grebenkalari) to‘plamdan iborat (17-rasm).

17-rasm. Tishli g’ildiraklarga chervyak freza bilan ishlov berish sxemasi

Ishlash vaqtida chervyak freza bosh aylanma harakat B₁ va vertikal surish harakati П₃, zagotovka esa chervyak frezaning aylanishi bilan muvofiqlashtirilgan aylanma harakat (obkat harakati) В₂ oladi.

To‘g’ri tishli silindrik g’ildiraklarni frezalashda chervyak freza o‘qi va yon sirti tekisligi o‘rtasida burchak φ, freza vint arig’ining ko‘tarilish burchagi ω ga teng (18,c-rasm) bo‘ladi.

a) b) c)


18-rasm. Freza shpindelini kesiladigan silindrik g’ildiraklarga nisbatan o‘rnatish
Qiya tishli g’ildiraklarni kesishda (vintsimon tishli g’ildiraklar) tishlarning vint arig’i yo‘nalishi har xil bo‘lganda burchak φ=β+ω (18,a-rasm) va bir xil bo‘lganda φ=β-ω (18,b-rasm) ga teng olinadi.
Obkatlash usuli seriyali va ommaviy ishlab chiqarishda qo‘llanadi. U quyidagi afzalliklarga ega: ishlov berish mahsuldorligi va aniqligining yuqoriligi, avtomatlashtirish imkoniyati, bir xil moduldagi har xil tishlar soniga ega g’ildiraklarni bir xil aniqlik bilan kesish uchun bitta asbobdan foydalanish imkoniyati.


5M32 modelli tish frezalash stanogi

Stanok donalab va mayda seriyalab ishlab chiqarish sharoitlarida to‘g’ri va qiya tishli silindrik g’ildiraklarni hamda chervyak g’ildiraklarni radial va tangensial surish usullarida kesishga mo‘ljallangan.

Stanokning texnik xarakteristikalari: Kesiladigan silindrik g’ildiraklarning eng katta diametri – 800 mm; kesiladigan eng katta modul – 10 mm; frezaning aylanishlar chastotasi chegarasi – 50–315 min^-1; frezaning aylanishlar chastotasi soni – 9; vertikal surish chegarasi – 0,8–5,0 mm/ayl; radial surish chegarasi – 0,15–1,5 mm/ayl; tangensial surish chegarasi – 0,17–3,1 mm/ayl. Stanokning gabarit o‘lchamlari: 2810x1640x2200 mm; aniqlik sinfi – H.
Stanokning ish sikli: asbobni zagotovkaga tez keltirish; tish kesish; asbobni boshlang’ich holatga tez chetlatish, stanokni to‘xtatish avtomatlashtirilgan. Silindrik g’ildiraklarni yo‘ldosh va qarshi frezalash usllarida kesish mumkin. Yo‘ldosh frezalashda yuqori kesish tezliklarini qo‘llash mumkin.