Amaliy ish №1-2 Mavzu: at xızmatlarini tashkiliy va huquqıy asoslarini o’rganish Asosiy tushunchalar

Amaliy ish № 1-2

Mavzu: AT xızmatlarini tashkiliy va huquqıy asoslarini o’rganish

Asosiy tushunchalar:

Ijtimoiy-iqtisodiy rivojlanish darajasini baholaydigan axborot-kommunikatsiya infratuzilmasining rivojlanishi, elektron iqtisod, masofadan turib ta’lim berish, axborot-kommunikatsiya texnologiyalaridan (AKT) davlat boshqaruvida foydalanish va AKT sohasidagi davlat siyosati kabi muhim ko‘rsatkichlar axborotli jamiyatning asosini tashkil etadi.

Asosiy Qonunimizning 30-moddasida O‘zbekiston Respublikasining barcha davlat organlari, jamoat birlashmalari va mansabdor shaxslari fuqarolarga ularning huquq va manfaatlariga daxldor bo‘lgan hujjatlar, qarorlar va boshqa materiallar bilan tanishib chiqish imkoniyatini yaratib berishi lozimligi belgilangan.

Axborotlashtirish – yuridik va jismoniy shaxslarning axborotga bo‘lgan ehtiyojlarini qondirish uchun axborot resurslari, axborot texnologiyalari hamda axborot tizimlaridan foydalangan holda sharoit yaratishning tashkiliy, ijtimoiy-iqtisodiy va ilmiy-texnikaviy jarayonidir¹.

Axborotlashtirish, axborot-kommunikatsiya texnologiyalari (AKT)dan keng ko‘lamli foydalanish tufayli jamiyatning ijtimoiy-iqtisodiy, siyosiy va madaniy hayotida axborot va bilimlardan foydalanish samaradorligi oshdi. Buning natijasida fuqarolar, tashkilotlar va davlatning axborotga bo‘lgan ehtiyojlari qondirilib, axborotlashgan jamiyatga o‘tish uchun sharoitlar yaratilmoqda. Davlat hokimiyati organlari, yuridik va jismoniy shaxslarning axborot resurslariga ishlov berish va foydalanuvchiga hujjatlashtirilgan axborotni taqdim etishni amalga oshiruvchi axborot tarmoqlari va tizimlari asosida shaxslar, predmetlar, dalillar, voqealar, hodisalar va jarayonlar to‘g‘risidagi ma’lumotlarni olish ehtiyojlari qondiriladi. O‘zbekiston hukumati axborotlashtirishga iqtisodiy rivojlanish va aholining turmush darajasini oshirishning strategik ustuvor yo‘nalishi sifatida qaramoqda. Axborotlashtirish va telekommukatsiyalar sohasida AKT faoliyat ko‘rsatishining muhim iqtisodiy, huquqiy va tashkiliy asoslarini belgilab beruvchi qonunchilik bazasi yaratilgan va takomillashtirilib borilmoqda.

AKT sohasining huquqiy bazasini ta’minlash uchun O‘zbekiston Respublikasi Oliy Majlisining qonunlari, O‘zbekiston Respublikasi Prezidentining farmonlari, O‘zbekiston Respublikasi Prezidenti va Vazirlar Mahkamasining qarorlari, yuzlab qonunosti hujjatlari qabul qilingan.

Jumladan:

1. «Axborot erkinligi prinsiplari va kafolatlari to‘g‘risida»gi qonun 2002-yil 12-dekabrda qabul qilingan.

2.O‘zbekiston Respublikasi Prezidentining 2015-yil 4-fevraldagi «O‘zbekiston Respublikasi Axborot texnologiyalari va kommunikatsiyalarini rivojlantirish vazirligini tashkil etish to‘g‘risida»gi 4702-sonli farmoni;

3. O‘zbekiston Respublikasi Vazirlar Mahkamasining 2005-yil 22-noyabrdagi «Axborotlashtirish sohasida normativ-huquqiy bazani takomillashtirish to‘g‘risida» 256-sonli qarori;

4. O‘zbekiston Respublikasi Prezidentining “O‘zbekiston Respublikasining jamoat ta’lim axborot tarmog‘ini tashkil etish to‘g‘risida”gi Qarori;

Topshiriq: Bu qonun va qarorlarning asosiy vazifalari nimadan iborat va asosiy tushunchalar ta’riflarini Power Point dasturi yordamida ishlab chiqish.

1