Amaliy geografiya

Фаннинг ишлаб чиқаришдаги ўрни

Бўлажак географ бакалаврлари ўзларининг ишлаб чиқариш фаолиятида, жумладан мактаб, коллеж ва лицейларда ўқувчиларга дарс бериш жараёнида, турли илмий тадқиқот ишларида дала – кузатув ҳамда ўлчаш ишларини ташкил этишларида, улардан халқ хўжалигининг турли соҳаларида самарали фойдаланишда ушбу фан бўйича олган назарий ва амалий билимларига таянадилар. Шу жиҳатдан “ Амалий география” ўқув фани юқори малакали географлар тайёрлаш тизимининг ажралмас бўғини ҳисобланади.
Фанни ўқитишда замонавий ахборот ва педагогик технологиялар
Талабаларнинг “Амалий география” ўқув фанини ўзлаштиришлари учун ўқитишнинг илғор ва замонавий усулларидан фойдаланиш, бу жараёнда янги информацион – педагогик технологияларни тадбиқ қилиш муҳим аҳамиятга эгадир. Фанни ўзлаштиришда дарслик, ўқув ва услубий қўлланмалар, маъруза матнлари, тарқатма материаллар, турли мавзудаги хариталар электрон материаллар ва кўргазмали қуроллардан фойдаланилади. Маъруза ва амалий машғулот дарсларида мавзуга мос равишдаги илғор педагогик технологиялар қўлланилади.
Асосий қисм
Фаннинг назарий машғулотлари мазмуни
“Амалий география” фани, предмети, тадқиқот объекти. Фаннинг мақсади ва вазифалари, қисқача ривожланиш тарихи. Ўқув фанининг бошқа табиий фанлар билан боғлиқлиги.
Амалий географиянинг методологик асослари
Амалий географиянинг илмий йўналишлари ва тадқиқот методлари. Табиат – аҳоли – хўжалик тизими тузилишидаги ўзаро таъсир ва алоқадорликлар. Табиий ва ижтимоий – иқтисодий жиҳатдан ўзига хос хусусиятлари.
Амалий географиядаги асосий йўналишлар
Қишлоқ хўжалик мақсадларида олиб бориладиган ландшафт тадқиқотлари. Қишлоқ хўжалик мақсадларида табиий географик районлаштириш. Мелиоратив тадбирларни лойиҳаларини асослаш учун табиий-мелиоратив районлаштириш. Ландшафт-эрозия районлаштириш. Табиий географик комплексларни ўзлаштириш ва суғориш учун комплекс баҳолаш. Район планировкаси, географик экспертиза, географик прогноз ва б.