Amaliy audit

 
4.2.Masala. 
Kassa orderlari mohiyatan tekshirilganda 2014 yil 7 iyuldagi 69-sonli kassa chiqim 
orderiga ko’ra buxgalter X.N.Axmedovga 550000 so’m moddiy yordam berilgani aniqlandi, 
kassirning hisobotida esa berilgan moddiy yordam summasi 1550000 so’m deb ko’rsatilgan. U 
auditor L.F.Yusupovga berilgan tushuntirish xatida kassadan 550000 so’m olganligini, pul olganligi 
haqida yozuvni yozmasdan, orderning toza blankasiga imzo qo’yib berganligini bildirgan. 
2014 yil 29 iyuldagi 79- sonli kassa orderi bo’yicha va unga ilova qilingan pudrat shartnomasida 
muxandis N.N.Hayitboyevga sovutkich uskunalarini ta’mirlagani uchun 2400000 so’m to’langan. 
Qarshi tekshiruvda N.N.Hayitboyev ishni bajarmagani va kassadan pul olmagani aniqlandi. Kassir 
va bosh buxgalterning tushuntirishicha ushbu pul direktor P.V.Melievning og’zaki ko’rsatmasiga 
ko’ra “Neksiya” avtomobilining xaydovchisi Yu.A. Misirovga ta’mirlash va ehtiyot qismlar sotib 
olish uchun berilgan. Ta’mir ishlari 4- sonli Taksomotor parkida bajarilgan, biroq xarajatlarni 
tasdiqlovchi tegishli hujjatlar mavjud emas. 
2014 yil 13 avgustdagi 87- sonli kassa-chiqim orderiga muvofiq materiallar va inventarlar bo’yicha 
ombor mudiri S.P.Jumaevga faxriylarni taqdirlash uchun sovg’alar va gullar sotib olishga 350000 
so’m berilgan. Mazkur kassa-chiqim orderiga “Megaplanet” do’koni va “Makro” univermagining 
uchta cheki ilova qilingan. To’langan summa 9410- “Sotish xarajatlari” schyotining debetiga olib 
borilgan. 2014 yil 2 iyuldagi 61- sonli kassa -chiqim orderi bo’yicha chilangar O.K.Qo’shmatovga 

---

576 
oylik maoshi bo’yicha 3650000 so’m deponentlik qarzi berilgan. Orderda chilangar 
O.K.Qo’shmatovning kasalligi bois pulni L.F.Axmedov olganligi va bu haqda orderga imzo 
qo’yganligi ko’rsatilgan. Ammo kassa-chiqim orderiga hech qanday hujjat ilova qilinmagan.
2014 yil 15 iyuldagi 71- sonli kassa -chiqim orderi bo’yicha begona shaxs bo’lgan V.M.Kosimovga 
signalizatsiyani ta’mirlagani uchun 5500000 so’m to’langan. Mehnat shartnomasi ilova qilingan, 
ammo ishni qabul qilib olganlik to’g’risida dalolatnoma taqdim qilinmagan. Brigadir 
S.X.Yo’ldoshevning 2500000 so’m pulni o’zaro kelishilgan holda olganligi haqidagi tilxat mavjud. 
Ammo tilxatda rahbar va bosh buxgalterning pulni berish haqidagi ruxsatnomasi yo’q. 
Kassadan kassa kitobiga yozilmagan quyidagi hujjatlar topildi: 
2014 yil 20 iyundagi 54-sonli kassa-kirim orderida, ombor mudiri S.P.Jumaevdan 2800000 so’m 
pul kelib tushgani ko’rsatilgan va kassa- kirim orderlarini ro’yxatga olish kitobida qayd etilgan. 
Bosh buxgalter tomonidan imzolangan 2014 yil 15 avgustdagi №89 kassa-chiqim orderiga muvofiq 
direktorning kotibi Sh.Fayzievga xo’jalik ehtiyojlari uchun 1000000 so’m berilgan va ushbu order 
kassa-chiqim orderlarini ro’yxatga olish kitobida aks ettirilgan. Kassir bu faktni esdan chiqarganligi 
bilan, bosh buxgalter esa kassirning o’z majburiyatlariga mas’uliyatsizlik bilan yondashganligi deya 
izohlashdi. 
Kassada direktor va bosh buxgalter tomonidan imzolangan, summasi ko’rsatilmasdan, muhr bilan 
tasdiqlangan №545380-545387 raqamli cheklardan foydalanib, naqd pul olingan hamda №545381-
545382-raqamli foydalanilmagan cheklar ham mavjud edi.