Амалий машулот б´йича дарс ´тиш

Навбатчи ҳамшира хонаси.
Унда беморларни рўйхатга олиш ва зарур ҳужжатларни расмийлаштириш амалга оширилади.
Стол, стулллар ва зарур ҳужжатларнинг тўпламлари бўлиши керак.
Кўрик хонаси шифокор томонидан беморларни текшириш учун мўлжалланган ва қўшимча равишда, ҳамширалар томонидан термометрияни, антропометрияни, ҳалқум текширувини ва баъзан бошқа текширувларни (ЭКГ) ўтказиш мумкин.
Кўрик хонасини жиҳозлаш:
• клеенка билан қопланган кушетка (бемор кўриладиган жой);
• ростомер (бўй ўлчагич);
• тиббий тарози;
• термометрлар;
• тонометр;
• шпателлар;
• қўлларни ювиш учун раковина;
• ёзув столи;
• стул;
• касаллик тарихи варақалари.
Даволаш амалиёти ўтказув хонаси беморларга шошилинч ёрдам кўрсатиш учун мўлжалланган (шок, вицерал колика ва бошқалар).
Даволаш амалиёти ўтказиш хонасини жиҳозлаш:
• кушетка;
• стуллар;
• қуйидагиларни сақловчи тиббий шкаф: шокка қарши дастлабки ёрдам тўплами, бир марталик шприцлар, бир марталик тизимлар, шокка қарши эритмалар, спазмолитиклар ва бошқа дорилар;
• стерил боғлов материаллари сақловчи бикс, дезинфекцияловчи эритмада сақланувчи стерил пинцет (бикс билан ишлаш учун);
• стерил ошқозон зондларини, резина сийдик катетерлари ва клизма учун учликлар сақловчи бикслар.
Операция-боғлов хонаси кичик операциялар учун мўлжалланган:
• тасодифий жароҳатга бирламчи жарроҳлик ишловини бажариш;
• чиққан суякни жойига солиш;
• оддий синишларни репозициялаш ва уларни иммобилизация қилиш,
• кичик йирингли ўчоқларни очиш ва ҳ.к.
Санитар кўрикдан ўтказиладиган жой, унинг вазифалари қуйидагилардир:
- касал ва жароҳатланганларни санитар-гигиеник ишлови;
- кийим-кечак ва бошқа нарсаларни қабул қилиш, кийим-кечак ва нарсаларни инвентаризациялаш ва сақлашга олиб қолиш;
- шифохона кийимларини бериш.
Оғир касал ва жароҳатланганларни санитар-гигиеник ишлови учун портатив душ билан жиҳозланган ваннахона мавжуд.
Санитар-гигиеник ишловдан ўтказиш жойининг таркибида ёппасига жарохатланганларни қабул қилиш учун мўлжалланган, санитар нормативларга жавоб берадиган, хожатхоналар, душ кабиналари, ювиниш хоналари бўлиши керак.
Қабул бўлимида вафот этганлар учун алоҳида кириш жойи бўлган хонани ажратиш керак, бу ерда бир нечта жасад қисқа вақтга (эрталабгача) сақланиши учун имконият бўлиши лозим.