Амалий машулот б´йича дарс ´тиш

Хирургик касаллар транспортировкаси. Зарур бўлганда, беморни қабул бўлимидан дарҳол жарроҳлик ёки реанимация-анестезиология бўлимига ёки операция хонасига транспортировка қилиш мумкин.
Беморларни транспортировкаси шифокор томонидан белгиланади ва беморнинг аҳволига ва касалликнинг хусусиятларига боғлиқ бўлади. Мустақил равишда ҳаракатлана оладиган беморлар ҳамшира ёки санитарка билан бирга пиёда хирургик бўлимга боришади. Оғир беморлар каталка ёки кресло-каталка ёрдамида, ётган ҳолда транспортировка қилинади.
Беморларнинг тўғри транспортировкаси асоратларни олдини олади. Шунинг учун
Хирургик беморларни транспортировкасининг қуйидаги усуллари ажратилади:

1. 
   Бош суяги синишларида бемор транспортировкаси носилканинг 9замбилнинг) бош қисми туширилган ҳолатда, бемор орқасига ётган ҳолда, ёстиқларсиз амалга оширилади. Боши атрофига одеал ёки кийимдан ёстиқ ясаб қўйилади.
   
2. 
   Бемор умуртқа поғонаси синганда белига шит (тахта) қўйиб транспортировка қилинади. Мабодо, носилкалар (замбиллар) оддий бўлса бемор қорнига ётқизилади. Умуртқа поғонасининг бўйин қисмининг ёпиқ шикастларида бош ва бўйин нарвонсимон шиналар билан иммобилизация қилинади ва юмшоқ, кўп пахта сақлайдиган боғлам бўйин атрофига қўйилади.
   
3. 
   Қўлнинг синиши ва чиқишларида қўлни транспорт шиналар ёрдамида кўкракка қўйиб бинтланади ёки унинг остига ёстиқ қўйилади
   
4. 
   Оёқлар синганда синган соҳа остига тахланган одеал қўйилади
   
5. 
   Қовурғалар синганда беморга ярим ўтирган ҳолат берилади
   
6. 
   Чаноқ суяклари синганда бемор “қурбақа” ўтиришида ўтиради – орқага ўтирган, тизза букилган ва кенгайтирилган, тизза остига ёстиқча қўйилади (ёстиқ ёки тахланган одеал)
   
7. 
   Оёқ ёки қўллардан қон кетаётганда, жгут ва транспорт иммобилизацияси қўйилгандан кейин жарохатланган қўл ёки оёққа юқорига кўтарилган ҳолат берилади ва шу ҳолатда транспортировка қилинади.
   
8. 
   Кўкрак қафаси шикастланганда беморни ярим ўтирган ҳолатда тиззаси остига одеал қўйган ҳолда транспортировка қилинади.
   
9. 
   Қорин шикастланганда ва ички қон кетишларда қорин олдинги деворлари мушаклари бўшашиши учун бемор орқасига ётқизилади, оёқлари остига одеал қўйилади, кўп қон йўқотилганда эса бош ҳам туширилади
   
10. 
    Куйган беморларни куймаган тана қисми билан ётқизишга ҳаракат қилинади. Куйган соҳа стерил марли ёки чойшаб билан ёпиб қўйилади.
    

Ҳушсиз беморлар қорнига ётқизилган пешона ва кўкрак остига ёстиқ қўйилган ҳолатда ёки қусганда аспирациянинг олдини олиш мақсадида ёнбошга ётқизилган ҳолатда транспортировка қилинади.