Амалий машғулотлар тематик режаси

 
 
Вазиятли масала 7. 
Бемор 35 ёшда. Шикоятлари: шифокор бўлиб иш фаолиятини давом эттира 
олмаслиги. Уни доим рецептларни тўғри ёзаётгани шубҳалантиради. Дозаларни бир неча 
мартадан текширади, қайта қайта китоб билан солиштиради, хато қилиши мумкинлиги 
тўғрисида шубҳа тарк этмайди. Ўз шубҳалари асоссизлигини тушунади, лекин улардан 
ҳалос бўла олмайди. 
1. Қайси сфера бузилиши кузатиляпти? 
2. Психолог қандай тестлар ўтказиши мумкин? 
 
Жавоб:  
1. Фикрлаш 
2. Классификация, пиктограмма 
 
Вазиятли масала 8. 
Столда қандай қалам турганини сўралганда, бемор “Бу турли органик маҳсулотлар 
синтези – дарахт ва углерод. Эътиборга олиш керакки, қалам устини ҳосил қилувчи қисми 
аввал дарахт бўлган. Дарахтни қайта ишлаш натижасида, эҳтимол қандайдир ускуналарда, 
чунки қаламлар жуда кўп миқдорда ишлаб чиқарилади, қалам усти ҳосил бўлади. Уни 

---

турли рангга бўяш мумкин. Унинг устки қобиғи ранги ичидаги грифель рангига мос 
келиши ёки келмаслиги мумкин. Грифель ранги ....” 
1. Қайси сфера бузилиши кузатиляпти? 
2. Психолог қандай текшириш усулларини ўтказиши мумкин? 
 
Жавоб:  
1. Фикрлаш 
2. Классификация, пиктограмма 
Вазиятли масала 9. 
Бемор С., 19 ёш. “Имтихондан кейин жавобни тезда айтишмади, эрталаб келиш 
кераклигини айтишди. Кечаси билан ухламадим, ўзимга жой топа олмадим, агар икки 
олган бўлсамчи? Хонада юриб чиқдим, юрагим уриб кетди, чаккаларим сиқиб оғриди.” 
Ҳар доим қандайдир воқеа бўлса ўзимни шундай ҳис этаман. 
1. Қайси сфера бузилиши кузатиляпти? 
2. Психолог қандай тестлар ўтказиши мумкин? 
Жавоб:
1. Ҳиссиёт ва шахс хусусиятлари (хавотир) 
2. Спилберг - Ханин