Амалий машғулот№1

Соғлиқни сақлашнинг хусусий ва бошқа хил тизимлари.
Соғлиқни сақлашнинг хусусий ва бошқа хил тизимлари жумласига хусусий табобат амалиёти ёки хусусий фармацевтика фаолияти билан шуғулланувчи жисмоний шахслар, хусусий корхоналар, муассасалар, ташкилотлар ва жамоат бирлашмалари томонидан, шунингдек, қонун ҳужжатларида тақиқланмаган бошқа манбалардан маблағ билан таъминланадиган даволаш-профилактика, дорихона муассалар ҳамда, табобат ва фармацевтика маҳсулотлари ишлаб чиқарадиган корхоналар киради.


“Фуқаролар соғлиғини сақлаш тўғрисидаги” қонуннинг моҳияти
29 август 1996 йилда Ўзбекистонда «Фуқаролар соғлиғини сақлаш тўғрисидаги» қонунни Ўзбекистон Республикаси Олий мажлиси қабул қилди ва шу кундан кучга кирди. Ушбу қонун муҳим ижтимоий-маданий соҳадаги-аҳоли саломатлигини сақлаш бўйича мустақил давлатимиз фаолиятининг унинг қонунчилигини ривожлантиришнинг янги босқичи - қадами ҳисобланади.
Соғлиқни сақлаш муассасаларининг номенклатураси


Ўзбекистон Республикасининг 2007 йил 20 декабрдаги №566 -сонли «Соғлиқни сақлаш муассасаларининг номенклатурасини тасдиқлаш ҳақидаги» буйруғига асосан соғлиқни сақлаш муассасалари ва соғлиқни сақлаш вазирлиги тасарруфидаги соғлиқни сақлашни бошқарув органларининг қуйидаги тармоклари фаркланади:
А. Соғлиқни сақлаш муассасалари
I - Даволаш-профилактика муассасалари:
1. Шифохона муассасалари(больницалар)
-Республика ихтисослашган тиббиёт маркази ва унинг филиаллари
-Республика ихтисослаштирилган тиббиёт илмий-амалий маркази ва унинг филиаллари
-Республика тиббиёт илмий маркази
-Кўп тармоқли республика шифохонаси (больница)
-Клиникалар (олий ўқув юртлари ва илмий тадқиқот институтлари)
-Кўп тармоқли вилоят тиббиёт маркази
-Кўп тармоқли вилоят болалар тиббиёт маркази
-Шаҳар шифохонаси (шу жумладан болалар)
-Марказий туман (шаҳар) шифохонаси
-Туман шифохонаси
-Қишлоқ участка шифохонаси
-Тиббий санитария қисм
-Темир йўл транспорти шифохонаси
-Фуқаролар ҳаво йўллари шифохонаси
-Ихтисослашган шифохоналар ва марказлар