Alternativ – muqobil, muqobil o‘quv materiali

Bolalikka olish – bolalikka oluvchi va bolalikka olinuvchi o‘rtasida ota-ona va farzandlar o‘rtasida mavjud huquq va majburiyatlarni o‘rnatuvchi yuridik akt.
Yosh xususiyatlari– muayyan bir yosh davriga xos bo‘lgan anatomik, fiziologik (jismoniy) va psixologik xususiyatlar.
Inklyuzitiv ta’lim– inklyuzitiv so‘zi (inclision) “o‘z ichiga olish”, “kiritish”, “uyg‘unlashtirish” degan ma’noni anglatadi. Bu ta’limning mazmuni imkoniyatic heklangan bolalarni umumta’lim maktablarida o‘qitish demakdir. Inklyuzitiv ta’limda alohida yordamga muhtoj bolalar nuqson turlari va ularning darajalariga qarab maktablarda tashkil etilgan integratsiya va inklyuzitiv sinflarga tortiladi. Inklyuziv ta’lim- bolalarni bir-biridan ajratuvchi to‘siqlarni bartaraf etishga, ularning yoshi, jinsi, diniy va ijtimoiy kelib chiqishi, rivojlanishdan orqada qolishi va iqtisodiy ta’minlanganlik darajasidan qat’iy nazar, umumta’lim jarayoniga to‘liq uyg‘unlashtirishga qaratilgan davlat siyosati.
Nazoratsiz bola– ota-ona yok iota-ona o‘rnini bosuvchi shaxslar tomonidan voyaga yetmaganni ta’minlash, tarbiyalash va unga ta’lim berish bo‘yicha o‘z majburiyatlarini bajarishdan bo‘yin tovlaganlik yoki lozim darajada bajarmaganlik oqibatida xulq-atvori nazoratsiz qolgan voyaga etmagan.
Davlat akkreditatsiyasi — davlat ta’lim muassasalari va tashkilotlari, shuningdek nodavlat ta’lim tashkilotlari (bundan buyon matnda ta’lim tashkilotlari deb yuritiladi) faoliyatining davlat ta’lim standartlari va davlat ta’lim talablariga hamda o‘quv dasturlariga muvofiqligining davlat tomonidan e’tirof etilishi hamda ularning bitiruvchilariga ma’lumot to‘g‘risidagi hujjatlarni topshirish huquqining taqdim etilishidan iborat jarayon;
Davlat ta’lim muassasasi — davlat hokimiyati va boshqaruvi organlari tomonidan davlat mulki bo‘lgan mol-mulk negizida tashkil etilgan, davlat ta’lim standartlariga va davlat ta’lim talablariga muvofiq ta’lim beradigan muassasa;
Davlat ta’lim standartlari — davlat tomonidan ta’limning mazmuni va sifatiga nisbatan belgilanadigan talablar majmui;