Аллоҳга инонган ҳар бир ёш қизга

Биринчи омил: Жинсий эркинлик ва шаҳватнинг ҳокимияти шу қадар ортдики, натижада эркак бутун давраларда, ҳатто иш ерларида ҳам аёлдан узоқ туролмайдиган ҳолга келди. Ишлаган корхонасида, вазифа бажарган жойида, борган дўконида, таом еган ошхонасида, юрган йўлида ёнида аёл бўлишни ва куннинг йигирма тўрт соати давомида шаҳватдан татиб туришни истайдиган бўлди. Асоси инсон фитратига қарши бўлган бу вазият ҳар икки жинснинг саодатидан кўпроқ бахтсизлигига ва ўз йўлларидан чалғиб кетишларига сабаб бўлмоқдадир.
Иккинчи омил: Ҳасислик ва моддапарастлик омилидир. Бугунги ғарблик инсоннинг энг қўрққан нарсаси ҳасислик хасталигидир.
Оила бошлиғи ҳисобланган ота қизининг бирор-бир корхонада ёки фабрика, ошхона, меҳмонхонада ишлашини билсада, унга ёрдам қўлини узатмайди. Уз қизига ёрдам қилмоқ учун бирор сабаб йўқдир. Эр ўз аёли қаердандир манфаат келтиришини билгани учун унга ёрдам қилишни рўёбга чиқарадиган сабаб тополмайди. Чунки ҳасислик ҳар қандай сабабни яшириб туради.
Ҳа, ғарбдаги бу ҳаёт бир томондан шиддатли исрофгарчилик, бошқа томондан шиддатли хасисликни келтириб чиқаради. Чунки исрофгарчилик учун бошқа жойда хасис бўлиш , кўпроқ бойлик жамғариш зарур.
Тўртинчи шубҳани ёймоқ истаганлар билишлари керакки, Ғарбнинг моддий асосга қурилган янглиш тушунчаси инсон зотининг барча афзалликлари, шавқлари ва ахлоқий туйғуларини чиркин бойлик ҳирси билан булғаб ташлади. Ҳатто у ерда оила мавҳум тушунча ҳолига келди, тўғрироғи ахлоқий, ақидавий асосдан моддий манфаатлар асосига кўчди. Ҳозир ғарбда оиланинг ўзаро ёрдам ва бирдамлик маъноси қолдими? Унинг мавжудлиги фақат ҳар бир парчаси муайян молиявий рақамни рўёбга чиқарган жонсиз бирикма ҳолини эслатади.
Бугунги Оврупода оила бирор-бир маъно ифода этмаган, севги ва боғликлиқни ёдга солмаган унвон ҳолига келди. Бу салбий ҳол барча жамиятларга кириб бориши Оврупонинг яқин келажакда қўрқинчли йиқилишига саҳна бўлишига ишоратдир.
Ё Раббим! Тарихни қандай ўз-ўзини янгидан гакрорлайдиган ҳолга қўйдинг!
Эски Рим императорлиги тарихини ўқиганлар унинг ҳалокати жинсий эркинлик ошиши ва ахлоқий бузуқликлардан эканлигини биладилар. Кейин бир томонда исрофгарчилик, бошқа томонда шиддатли хасислик уларни емирган эди. Файласуф Канон уларни огоҳлантирган эди. Бироқ унга қулоқ солмадилар. У шундай деган эди:
"Эй Румликлар! Эркаклар ва аёлларнинг, бошқарувчи ва бошқарилувчиларнинг ҳаддан зиёд исрофгарчиликлари ҳақида кўп фарёд солдим. Бундан яхши хабардорсиз. Сизларга яна шуни ҳам айтган эдим: Жумҳурият икки турдаги мусибатга, яъни хасислик ва исрофгарчиликка мубтало бўлди. Бу икки мусибатнинг энг катта ўзига хослиги мана ман деган мамлакатни ҳам ер остига тиқиб юборишидир"
Демак, аёлнинг эркак билан баробар ишлаши ва иш қидириб юришининг ҳақиқий сабаби нимада эканлигини ақли солим бўлган ҳар бир киши билади. Яъни, асос сабаб технологик ҳаёт билан ҳамнафас бўлиш, саноатни такомиллаштириш эмас.
Ҳақиқий сабаблар очиқ-ойдин экан, нега ғарбликларга тақлид учун далил қидириб юрибмиз. Ҳатто кўпларимиз бу билан кифояланиб қолмасдан, тақлид қилган соҳаларда улардан ўзиб кетдик, деб мағрурона бош кўтариб юрибмиз. Яъни, орамизда тараққиёт жиҳатдан фарқ қолмагандек. Ислом динида аёл одоби билан боғлиқ қонунлар асосидаги энг муҳим ҳикмат оила тузилиши ва муқаддаслигини ҳимоя қилишдир. Яъни, оила гўзилишини йиқитадиган, муқаддаслигини чўктирадиган, фазилатли ахлоқни йўқотадиган ғояга бормоқ учун қандай қилиб Аллоҳ динида сунъий ўзгаришлар қилиш ёки бу ҳақдаги фикрга бориш мумкин?
Бундай шубҳа такрор айтамизки, шаҳват асири бўлмиш инсонларнинг шубҳаларидир. Бундан ҳам даҳшатлироқ шубҳаларга соҳиб эканликларига гумоним йўқ.
Тадқиқотларнинг натижасида кўрдимки, бутун бу шубҳалар Исломнинг тўғри ва очиқ ҳукмларини соғлом, соф қарашлардан узоқлаштирмоқ учун қилинган ҳаракатлардан бошқа нарса эмас. Бу чалғитувчилар мусаффо фитрат дини билан инсонлар орасига тўсиқ ташлашга уринадилар. Сирлари очилиб қолмаслиги учун ҳар сўзни эҳтиётлик билан сўзлайдилар. Бу сунъий муаммо пайдо қилган инсонлар ҳолати Аллоҳ таоло Қуръонда хабар берган бир тоифа кишилар ҳолатига ўхшайди:
"Ва ўзлари аниқ билган ҳолларида зулм ва кибр қилиб, у (мўъжизаларни) инкор этадилар..." (Намл сураси 14)
Агар шубҳаларга таяниб уларнинг айтганларини соғлом далил сифатида қабул этсак ва улар билан иттифоқ ҳолига келсак (аслида бу ҳеч қачон мумкин эмас, буни уларнинг ўзлари ҳам яхши биладилар) уларнинг бу далиллари мусулмон аёл ва қизларни бошлайдиган қўрқинчли йўл ҳақиқатини ҳеч ҳам қўлламайди, балки бу икки ҳолат мутлақо бир-бирига зид бўлган ҳолдир. Бу мухтолиф шубҳалардан қайси бири (агар улардан биронтасини тўғри деганимизда ҳам) мусулмон қизларнинг кўксини, қўлларини ва болдирларини очиб кўчаларга чиқишига изн беради? Ёхуд улардан қайси бири мусулмон аёлларни ўз уйига келган меҳмонлари олдида жилва ва жозиба кўрсатиб, уларнинг бошини айлантиршига фатво беради?
Демак, бугун биз қарши чиққан масала юзаки қараганда ана шундай аниқ фатволардан узоқ бўлсада, лекин охир оқибатда шунга бошлаб боради. Шу сабабдан ҳам бундай шубҳалар дин ва дунёмиз учун ғоятда хатарлидир.
Шунингдек, баъзилар бугун мусулмон аёли шариат ҳукмида маҳкам туриб, унинг талабларини жон дил билан бажараётганидан ваҳимага тушмоқдалар. Табиийки, бу ваҳиманинг илдизи жуда ҳам узоқларда.
Бугун яна бир савол ўртага чиқади: олдимизда қандай муаммо турибди? Ўзига шаҳват билан қараган кишиларнинг гуноҳлари ва ўзининг оғир гуноҳи остида эзилмаслик учун динига уйғунлашиб, Аллоҳнинг ризосини рўёбга чиқармоқ учун уринган, вужудини, юзини ва зинога йўл очадиган ҳар ерини бекитишга ҳаракат қилган аёл муаммоми? Ёки барча ҳукмга беписанд қараб, кўринишда Оврупонинг, аслида эса яҳудий ва сионизмнинг "моделларига" уйғунлашган, баъзи машҳур аёллар юзини бекитмаганини далил билиб, ҳижоб кейинчалик тадбиқ этилган нарса, дея эркаклар ёнида вужудини очиб, зийнатини кўз-кўз қилаётган, ўзини бир бозордан олиб, иккинчисига солаётган ва дунёни минг бир фитнага тўлдираётган аёл муаммосими?
"Эй тушунган синглим, қани айтчи, сенингча тузатишга ва ечимини топишга муҳтож, ижтимоий ва ахлоқий масала булардан қайси биридир?
Ёзувчиларимиздан бир гуруҳи (уларнинг тиллари мусулмон эканликларидан дарак беради) ва бир қанча журналларимиз (улар ҳам халқ кўзида Ислом ва иймон муҳрини ташийдилар ) Аллоҳнинг динини ва шариатини тўғрилик билан ўрганиб, унга керакли аҳамият беришни ҳайбатли масала ва буюк мусибат билишлари ғаройиб нарса эмасми? Бир томондан қаламларидан заҳар оқади, иккинчи томондан ҳаёсиз, масхаромуз расмларни босадилар. Бир томондан эса маънавиятни маҳв қилувчи турли руҳий силоҳлар қўллайдилар. Барча бу олчоқликларнинг сабаби бир гуруҳ мусулмон ёш қизларнинг (улар нима бўлганда ҳам озчиликдир) Аллоҳнинг динида диққатли бўлишларидан, Аллоҳнинг шариатига боғлиқ равишда юзларини ва вужудларини ҳижоб ила бекитишларидандир. Бу қизларнинг жамият саодати ва уммат баробарлиги учун қиладиган ишларига на ёрдам этилади, на да изн берилади. Бунга қарамай улар маданий, ижтимоий ва фикрий соҳаларда бошқалар уддалай олмаган ишларни амалга оширмоқдалар. Бу ҳолни дунёвий ёзувчилар, ишга ярамас журналлар, Оврупо ва Америка оламидаги аёлларга муносабатдан келиб чиқиб баҳолашга уринадилар. Бу қизларни шифога ва қутқарувга муҳтож гуруҳ, деб биладилар.
Ўзларининг мусулмон эканликларини такрорлашларига қарамай бундай ёзувчилар, тарихчилар Ислом тарихининг хусусий бўлган ва бирор маъно касб этмайдиган айрим воқеаларини топиб олиб, на самовий дин ва на соғлом фикрли инсон туйғулари қабул этмайдиган бу воқеаларни ҳайқира-ҳайқира ёймоққа киришадилар. Ваҳоланки, бундай воқелар Исломнинг маълум даврларида ўзига яраша баҳосини олган. Ҳатто Исломни ислоҳ қилиш учун уринганлар бўлган ва улар ихтилофга тушганлар. Шунингдек Аллоҳнинг китобидаги ва ҳазрати пайғамбар(с.а.в.)нинг ҳадисларидаги ҳамда барча ишларнинг ижмоъларидаги ҳукмга бўйинсунмаганлар йўқ эмас. Бу фасодни тўхтатмоқ ва ўртадан олиб ташламоқ йўлида ҳаракат қилмаганлар, бундайларга танбеҳ бермаганлар, чалғиш балосини оз бўлсада енгиллаштириш учун Аллоҳ ҳукмига итоат этмаганларнинг сони қанча?
Шу билан бирга улар мусулмон қизларнииг ўранишларига масхарамуз қараб ёмон ва чиркин мақолалар билан уларга ҳужум қилмоқдалар. Бу хусусда китоблар ҳам чоп этмоқдалар. Улар ҳижобнинг бутун инсониятга фойда келтиришни ва хайр-илҳом беришини кўрмасликка оладилар. Аксинча, бу хайрларга қарши ҳар уйда, жамоа орасида сўз юритиб, одамларни бу "оташ"нинг таҳликасидан огоҳлантиришга уринадилар. Ваҳоланки бу ҳужумлар умматнинг ёшлари учун ва умуман инсоният учун ҳалокатга чўкишга ва инқирозга сабаб бўлиши ва охир-оқибатда уларнинг айтганлари бўлса, ҳалокат ер юзини қоплаши аниқдир!