dafn etilib, «Shayx Zayniddin bobo» qabristoniga aylanadi. Qabriston Toshkentning g’arbiy qismida. Maydoni 8-9 ga. Bu qabriston XIX asrda shahardagi eng yirik qabristonlardan biri bo’lgan. O’sha davrda u yerda faqat chillaxona va hujralar, keyinchalik masjid qurilgan. U zotning o’limidan 132 yil keyin Sohibqiron Amir Temurning Shayx Zayniddin bobo qabri ziyorati natijasi-
da ul zotga ixlos va hurmat ko’rsatib maqbara qurdirgan. Maqbara shu kungacha bir necha bor ta’mirlangan. Maqbaraning orqa tomonida «Chillaxona» – sakkiz tomonli, yuqorisi gumbaz sifatli bino qad ko’tarib turibdi. Salohiddin ibn Aloiddin Toshkandiyning «Temurnoma» kitobida shunday deyiladi: «Amir Sohibqiron Turkiston ichra qabri shariflarga marqad ko’tarib, imorati oliy qurib, qancha yerlarni vaqf qilib, andin keyin yana Hazrat Zayniddin Ko’yi Orifonga Kaykovus suvidan nahri azim chiqarib, qul-cho’ri birla nazr etib, qabrlari uzra gumbaz ko’tarib, andin keyin Zangi otani muborak qabrlarini bino qildilar».7