Allayarov A. I. O’rmonov H. B. O‘zbekistondagi ziyoratgoh obidalar

Suzuk ota majmuasi. Majmua qariyb 8 gektarlik maydonni egallagan. Majmuaga kirish binosida muzey, kutubxona, mahalla idorasi va boshqa obe’ktlar joylashtirilgan. Maqbaraning ikki tomonida hunarmandlar uchun har biri 4,5 sotixli o‘ttizta kottej barpo etilgan. Suzuk otaning asl ismi Mustafoqul bo‘lib, 1140 yilda tavallud topgan. U Ahmad Yassaviyning qizi Gavhari Hushtojning kenja o‘g‘li

Suzuk ota majmuasi

bo‘lgan. Bolalik chog‘ida bobosi u kishini erkalab «Mening suzigim (suyukligim), xush keldingiz!», degani bois atrofdagilar ham uni shu ism bilan chaqira boshlagan. Suzuk ota yuzlab shogirdlarga ilm berib, hunarga, halol mehnatga o‘rgatgan. 1363-1364 yillarda Amir Temur Ahmad Yassaviyning nabirasi Suzuk ota qabri ustida maqbara va masjid bunyod ettirgan.

Yaqin-yaqingacha Suzuk ota ziyoratgohini ko‘pchilik bilmas, maqbara va eski masjid zax tortib qolgan edi. Shavkat Mirziyoyev 2017 yil 26 may kuni Suzuk ota majmuasida bo‘lib, maqbara hamda masjidni rekonstruksiya qilish, atrofini obodonlashtirish bo‘yicha topshiriqlar bergan edi. Shu asosda bu yerda ulkan bunyodkorlik ishlari olib borildi. 2018 yil qurilish ishlari yakunlanib, Masjidning tarixiy binosi saqlab qolingan holda atrofi kengaytirildi. 900 kishiga mo‘ljallangan ayvon qurildi. Shuningdek, hunarmandlar uchun ustaxonalar, avtoturargoh va boshqa inshootlar barpo etildi, majmua yonida hunarmandlar uchun uy-joylar barpo etildi va ziyoratgoh o’z ish faoliyatini boshladi.¹⁵