Allayarov A. I. O’rmonov H. B. O‘zbekistondagi ziyoratgoh obidalar

Shayx Xovandi Tohur (Shayxontohur) majmuasi – me’moriy yodgorlik (XV–XIX asrlar), Shayx Xovandi Tohur maqbarasi, ziyoratxona va go‘rxonadan iborat. Mavjud yodgorlik XV asrga oid ko‘hna maqbara poydevori ustiga XVIII–XIX asrlarda qurilgan, bunda Movarounnahr­da XIV asr oxiridan rivojlangan ikki xonali bo‘ylama maqbara-majmua tarhlari saqlanib qolgan. Maqbaraning bino yuzasidan sal chiqib turuvchi kichik peshtog‘i bor, ichki devorlari chuqur ravoqli. Xonalar gumbazlar bilan yopilgan, go‘rxona gumbazi qo‘shqavat bo‘lib, 12 qirrali asosga o‘rnatilgan.⁸