Allayarov A. I. O’rmonov H. B. O‘zbekistondagi ziyoratgoh obidalar

Devonabuva maqbarasi

cha marotaba gul bilan bezalgan. Tasvirlar mavzusi o’simliklar (majnuntol shoxchalari, gulli gultuvaklar) va maxsus o’rganishni talab etuvchi epigrafikadan iborat. Xozirgacha o’rganilmagan Devonabobo maqbarasi o’zining me’moriy qiyofasi bilan serviqor va o’ziga xosdir.

O’n bir Ahmad  ziyoratgohi. Namangan tumani G’irvon qishlog’ida joylashgan. Ushbu qadamjo qishloqning Shimolida, Shimoliy  Farg’ona kanalining kunchiqar yoqasidagi  katta bog’ning  yuqori qismiga joylashgan “O’n bir Ahmad” deyilganda, o’n bitta  avliyo  Ahmad ismli bobolarning biri tushunilgan. Lekin ularning qaysi biri, qachon  bu yerga dafn etilganligi  ma’lum emas. Rivoyatlarga qaraganda, bu joyning tarixi uzoq-tarixga  borib  taqaladi.  Bu esa insoniyat ruhiy olamining  buyuk ustunlaridan biri - Xoja Ahmad Yassaviy zotlaridir. Ulug’ shoir va mutafakkir  bobomiz Alisher Navoiy  bu zot xaqida shunday degan yedi» Xoja Ahmad Yassaviy  Turkiston Mulkining shayxul–mashoyixidur. Maqomati oliy va mashxur, karomati  matovoliy va nomaxsur ermish. Murid va asxob  xoyatsiz va shoxu gado aning irodat  ixlos ostonida  nixoyatsiz  emish». Ana shulardan biri  G’irvon qishlog’ida bo’lib, asrlar dovomida  ezgu niyat egalarining  aziz ziyoratgohiga aylangan. Ul zotning qabri sobiq ittifoq mafkurasi zaminida “adashganlar” tomonidan buzib yuborilgan edi. Lekin asl nusxasi  saqlangan  Mustaqillik davrida qabr  shakli  qayta tiklanib, ta’mirlanadi. Bu ishiga  G’irvon qishloq  fuqarolar  yig’ini faollari bosh-qosh bo’lishdi. Maqbara gumbazi tevaragida  o’zbek va arab yozuvlarida katta harflar bilan  «O’n bir Ahmad maqbarasi», deb yozib qo’yilgan. Uning ichida avliyo otaning ramziy qabrlari ko’tarilib, ustiga mato yopib qo’yilgan. Maqbara atrofi daraxtzor, gulzor bo’lib, u chin ma’nodagi saylgoh hamdir. Oqin suv ham, oqava suv ham serobdir. Havosi yoqimli bo’lib, u kishilarga orom baxsh etadi. Ushbu ziyoratgoh viloyat «Oltin meros» jamg’armasi hisobiga  o’tqazilgan. Tabarruk qadamjo to’g’risida g’irvonlik olimlar filologiya fanlari nomzodi  Tursunboy No’monovning  «O’n bir Ahmad ziyoratgohi» nomli risolalarida  keng ma’lumotlar berilgan.³¹