Allayarov A. I. O’rmonov H. B. O‘zbekistondagi ziyoratgoh obidalar

Jizzax Davlat pedagogika instituti “tarix o’qitish metodikasi” kafedrasi katta o’qituvchisi Aqchayev Farrux Shavkatovichning “Jizzax vohasi muqaddas qadamjolari va ziyoratgohlari” (etnosotsiologik tadqiqot) deb nomlangan dissertatsiya materiallaridan foydalanildi.

«Parpi oyim» ziyoratgohi. Zomin tumanining Uvol qishlog‘i hududida joylashgan nafaqat, viloyat balki respublikamizning ko‘plab hududlaridan asosan ayol kishilar ziyoratga keladigan Parpioyim ziyoratgohidir.

Ziyoratgoh to‘g‘risida mahalliy aholi o‘rtasida juda ko‘plab rivoyatlar saqlanib qolgan bo‘lib, bu rivoyatlar ilmiylik nuqtai-nazaridan tahlilga muxtoj. Misol uchun Parpi oyim, Jizzax tumani Ravot QFY hududidagi Parpi ota qishlog‘idagi Parpi ota ziyoratgohiga nomi berilgan avliyoning singlisi degan qarash. Bu ikki ziyoratgohni umumiy jihatlari sifatida ikkalasini nomlanishi, teshik toshning mavjudligi va yosh bolalarda uchraydigan “parpi” (tibbiyot tilida kaxeksiya) kasalligini davolash uchun ziyoratchilarni kelishini aytib o‘tish mumkin.