Allayarov A. I. O’rmonov H. B. O‘zbekistondagi ziyoratgoh obidalar

Shuningdek, mashhur “Al-hidoya” asarining muallifi buyuk faqih Burhoniddin Marg’inoniyning (1123-1197) o’g’li Shayxulislom Nizomuddin Umar ibn Shayxulislom Burhonuddin Ali ibn Abu Bakr Marg’inoniy ham allomaning shogirdlaridan bo’lganligi haqidagi ma’lumotlar mavjud.

Bundan tashqari, allomaning fiqh bo’yicha “Muxtalafu-r-rivoya”, “Al-mu’tariz va-l-muxtalif” hamda usuli-d-din bo’yicha “Al-hidoya fi-l-kalom (fi usuli-l-e’tiqod)” nomli asar muallifi ekanligi haqida manbalarda qayd etilgan.
Misrning “Doru-l-kutubi-l-misriyya” kutubxonasida 1815-ashyoviy raqam bilan (hajmi-297 varaq) saqlanayotgan qo’lyozmaning 41789-raqamli mikrofilm nusxasida ““Muxtalafu-r-rivoya” Muhammad ibn Abdulhamid ibn Husayn ibn Hasanga tegishli” deb yozilgan. Asarning dastlabki betlari yo’q. Yana boshqa bir 119-ashyoviy raqamli qo’lyozma (hanafiy fiqhi)ning 8356-raqamli mikrofilm nusxasi “Mustafo Fozil” kutubxonasida saqlanmoqda.