Alisher navoiy nomidagi toshkent

Mavzuni ochib berish jarayonida quyidagi masalalarni dolzarb deb hisobladik:

Birinchidan,adabiyotshunoslikda yaratilayotgan badiiy asarlarda kompozitsiya, syujet, xarakter va detallarning qo‘llanishi borasida xilma –xillik kuzatilmoqda, bu jarayonni baholash va tahlil qilishda adabiy ta’sir nuqtayi nazaridan yondashuv muhim ahamiyat kasb etadi;

Ikkinchidan, xasis obrazining adabiyotshunosligimizda hali yetarli darajada o‘rganilmagan, bu esa ushbu obraz genezisini aniqlashda chalkashliklarga sabab bo‘lmoqda;

² Miloddan avvalgi 556-476- yillarda yashab o’tgan hindistonlik faylasuf. U buddaviylik dinining asoschisi. Inson

ruhiy kamolotining yo’llarini ishlab chiqqan. U buddaviylik dinining muqaddas kitobi sanalgan “Tripitaka” asarining muallifi. Budda hayotni inson kamolotining bir necha vaqtlik shans deb biladi.

Uchinchidan, xasis obrazini yaratish an’analari jahon adabiyotida va o‘zbek adabiyotining bir qancha vakillarida, jumladan Plavt, Molyer, Onore de Balzak; Muqimiy, A.Qodiriy, S.Ayniy, E.Vohidov asarlarida ko‘zga tashlanadi, shu bois ham ushbu ijodkorlarning ijod namunalarini solishtirib o‘rganish ishimizning dolzarb nuqtalaridan hisoblanadi.

Tadqiqotning maqsadi. Badiiy adabiyotda xasis obrazi dunyo nigohini o‘ziga qarata olgan va deyarli barcha adabiy jarayonlarga yangicha xarakter sifatida kirib borgan badiiyatdir. Biz ushbu bitiruv malakaviy ishimizda xasis obrazini yaratgan jahon adabiyoti vakillari Plavt, Molyer, Onore de Balzak asarlarini o‘zbek adiblari, jumladan, A. Qodiriy,S.Ayniy, E.Vohidov asarlari bilan solishtirib, ushbu obrazning genezisini, rivojlanish bosqichlarini aniqlab, adabiyotdagi o‘rnini tadqiq va tahlil qilishni o‘z oldimizga maqsad qilib qo‘yganmiz.