Alisher navoiy nomidagi toshkent davlat universiteti huzuridagi pedagog kadrlarni qayta tayyorlash va ularning malakasini

Savollar:

1. 
   Shoir va yozuvchining farqi nimada?
   
2. 
   Oybek shoirmi, yozuvchimi, tarjimon?
   
3. 
   Oybekning she’riy asarlarining nomlarini sanang.
   
4. 
   Oybek romanlari bosh qahramonlarining ismini ayting.
   

“Breyn ring” o‘yini. Bu o‘yin intellektual faoliyatni shakllantiruvchi o‘yinlar sirasiga kirib, unda har birida 5–6 nafardan o‘quvchi bo‘lgan 2 tadan 4 tagacha jamoalar qatnashishi mumkin. O‘qituvchi har bir guruhga qisqa javobli savollar beradi. Agar ishtirokchilardan biri birinchi bo‘lib to‘g‘ri javob bersa, qolgan barcha savollar faqat shu ishtirokchiga beriladi va har bir to‘g‘ri javob uchun olingan ball to‘planib boradi. Agar to‘plangan balni vaqtida o‘z jamoasi hisobiga tushirib turmasa va o‘yinni to‘xtatmay, o‘yin davomida noto‘g‘ri javob berib qo‘ysa, o‘sha ishtirokchi to‘playotgan barcha ballar yo‘qqa chiqib ketadi. Demak, o‘sha o‘quvchi o‘zi istagan paytda o‘yinni to‘xtatishi va to‘plagan balini jamoa hisobiga tushirishi kerak. Qolgan savollarga endi boshqa ishtirokchilar javob berishi lozim va ular ham o‘z jamoalari hisobiga ball to‘plash imkoniga ega bo‘ladilar. Har bir to‘g‘ri javob uchun 1 ball.
O‘qituvchi bu o‘yinni qo‘llashdan oldin bitta hikoya, she’r o‘qib beradi yoki uning matnini beradi. Masalan, Oybek ijodidan:
Tepaga chiqamen, soyga tushamen,
Yo garang toshlarga jim suyanamen,
Yo buloq boshida bir cho‘pon kabi
Yastanib bir lahza o‘yga tolamen.
Jo‘shadi buloqning kumush yoshlari,
Ham mungli, ham shirin jildirashlari
Buralib, ko‘katlar ichidan chopar,
Uzilgan marvarid yarqirashlari.
Kunduzning sho‘xligi har yerda ulfat,
Har yerda gullarning salomi esar:
Bulutlar tepaga qo‘nar bir muddat.
Shu’lalar, soyalar birga tentirar.
«Dunyoda yashamoq na go‘zal!» — bir sas
Havo oltinida jaranglab uchar;
Uzoq bir o‘tovda patefon tinmas,
Orzular siynaga sig‘masdan toshar…
O‘qituvchi bu she’r matnini o‘quvchilarga tarqatadi. O‘quvchilar she’r matni bilan tanishib, uning g’oyasini, she’rdagi peyzajlarni topib, tahlilga tortadi.
Interfaol metodlardan biri “Tushunchalar asosida matn tuzish”dir.
“Tushunchalar asosida matn tuzish” metodi bilish-izlanish turidagi ishlar sirasiga kirib, bu ish turli xil mantiqiy amallarni talab etadi: tahlil qilish va umumlashtirish, dalil va hodisalarni qiyoslash, ulardagi mushtaraklik va farqli tomonlarni aniqlash, asosiy va ikkinchi darajali belgilarni ajratish, sabab-oqibat aloqalarini ochib berish muhimdir. Odatda o‘quvchilar noma'lum hodisalar, yangi materiallarga duch keladilar, yangi bilimlarni egallash va o‘quv muammosini hal qilish yo‘llarini izlab topishni talab etadigan muammoli vaziyat paydo bo‘ladi.