Алқаро тижорат контрагентларининг таснифи

2.4. БМТ тизимидаги халқаро ташкилотлар - жаҳон бозоридаги товар ва хизматлар контрагентлари сифатида.

БМТ тизимидаги халқаро ташкилотлар жаҳон бозори товарлар ва хизматлар савдосида йирик харидор бўлиб қатнашмоқда. Инвестицион объектлар қурилишини ташкил этувчи ПРООН ва ЮНИДО халқаро ташкилотлар шулар жумласидан. ПРООН 1966 йилда ташкил этилган бўлиб, кўп томонлама иқтисодий ва техникавий ёрдам берувчи махсус молиявий фондларга эгадир. Бу молиявий фондлар БМТда техник ҳамкорлик тизимида қатнашувчи давлатларнинг мақсадли қуйилмалари ҳисобига ҳосил қилинади.

ПРООН бу тизимнинг техник ёрдами учун йўналтирилган маблағларнинг миқдори ва йўналишини тартибга солувчи асосий орган ҳисобланади.
Техникавий ёрдам дастурида қатнашувчи давлатлар қуйилмалар бадал ўрнига жиҳоз ва материаллар етказиб бериши мумкин. ПРООН пул маблағлари техник ёрдам олувчи мамлакатлар ўртасида тақсимланади. Ажратилган маблағлар миқдоридан тегишли давлатлар (биринчи даражали) иқтисодий ва ижтимоий ривожланиш тармоқларида биринчи даражали эҳтиёжларни аниқлайди ва берилган маблағлар ҳисобига бажариши керак бўлган техник лойиҳалар рўйхатини ишлаб чиқаради.
ПРООН техник ёрдамни асосан инвестициялашдан олдинги ишларни бажаришда амалга оширади. қурилиш эса ёрдамни олувчи мамлакатлар ҳисобига бажарилади, лекин охирги йиллар давомида кўпгина саноат объектларини қурилишини молиялашни ташкил этишни олиб бормоқда (10 млн.доллардан ошиқ бўлган ҳолларда). Бу ҳолда ПРООН лойиҳани бажаришда пудрат асосида амалга оширади.
Кўпчилик ҳолларда лойиҳани бажарувчи сифатида БМТ-нинг бошқа маҳсуслаштирилган ташкилотлар тизими иштирок этади:: ЮНИДО, ЮНКТАД, ЮНЭП (ташқи мухитни мухофаза қилиш бўйича БМТ-нинг дастури ), ФАО, МОТ(мехнатни халқаро ташкилоти). Бу ташкилот лойиҳани суб пудрат, яъни тижорат шартномалари асосида бажаради. ПРООН маблағлари ҳисобига қурилган объект олдиндан қилинган шартлар асосида берилади.


Таянч иборалари

Фирма. Контрагент. Тадбиркорлар уюшмалари. Фирма номи., Тадбиркорлик ассоциацияси. Тадбиркорлик федерацияси. Соҳа уюшмаси. Ташқи бозор. Рухсатнома. Лойиха.