Алқаро тижорат контрагентларининг таснифи

Халқаро тижорат контрагентларининг таснифи.


2.1. Фирма - контрагентлар жаҳон амалиётида.
2.2. Тадбиркорлар уюшмалари, уларнинг турлари ва амалга ошираётган халқаро тижорат операциялари.
2.3. Жаҳон бозорига чиқиш ҳудудига эга бўлган давлат органлари ташкилотлари.
2.4. БМТ тизимидаги ҳалқаро ташкилотлар - жаҳон бозоридаги товар ва хизматлар контрагентлари сифатида.


2.1 Фирма контрагентлари жаҳон амалиётида.


Конрагентлар - бу халқаро тижорат операциясидаги товарлар ва хизматларни олди-сотди шартномасида иштирок этувчи томонлар бўлиб ҳисобланади.
Жаҳон бозорида қатнашаётган контрагентларни бажараётган иш фаолияти ва мақсадига кўра 4та категорияга бўлиш мумкин: фирмалар, тадбиркорлик уюшмалари, давлат ташкилотлари ва корхоналари, БМТ тизимига кирувчи халқаро иқтисодий ташкилотлар.
Халқаро тижорат операциялариларининг асосий қисми фирмалар томонидан амалга оширилади.
Фирма тушунчаси қуйидаги маънони англатади: ишлаб чиқаришда, савдода, қурилиш соҳасида, транспортда қишлоқ хўжалигида фойда олиш мақсадида хўжалик фаолияти юритувчи корхоналар тушунилади. Хар бир фирманинг ўз номи ва давлат томонидан қайд қилинган савдо регистри бор. Фирма номи шу фирманинг бир ёки бир нечта эгалари исми ёки фамилиясини («Крупп», «Манессман», «Форд», «Крайслер»), фирма фаолияти характерини («Женерал моторс», «Женерал электрик», Империал кемикал индастриз») ва унга ўхшаш бошқаларни ўзида акс эттиради («Дау кемикал», «Фарбверке Хёхстс»).
Фирма номи хат бланкаларида, ҳисобларида, муҳрда, товар белгиларида, рекламада кўрсатилади. Фирма номи фирманинг ҳуқуқий ҳолатини ўз ичига олиши шарт.
Жаҳон бозорида қатнашаётган фирмалар қуйидагига кўра бир-биридан фарқланади: хўжалик фаолиятининг тури билан, амалга ошираётган операциялари, ҳуқуқий ҳолати билан, мулкчилик шаклининг тури билан, маблағининг тегишлилиги ва назорати билан, фаолият кўрсатиш сохаси билан.