Ал-беруний музейи

АЛ-БЕРУНИЙ МУЗЕЙИ

Ал-Беруний меъморий мажмуаси 2000 йилда Президентимиз Ислом Каримов ташаббуси билан ташкил этилган. Музей мажмуаси 20 гектар боғдан иборат бўлиб, Жалолиддин Мангубердининг 800 йиллиги юбилейи арафасида очилган. Беруний меъморий мажмуаси Урганч Халқаро аэропорти яқинида Ал-Хоразмий мажмуаси рўпарасида бунёд этилган. Мажмуа дарвоза ва рамзий мақбарадан иборат. Мақбара Хоразмшоҳлар даврининг меъморий услубида, кулоҳсимон гумбазли қилиб тикланган. Гумбаз ва пештоқ кошин билан қопланган. Мақбарага пештоқ остидаги ўймакор эшикдан кирилади. Музейда Абу Райҳон Берунийнинг ҳаёти ва фаолиятини акс эттирувчи экспонатлар, жумладан қўлёзма ва нодир китоблар, глобус, устурлоб, секстант, квандрант каби асбоблар намойишга қўйилган.

Абу Райҳон Беруний (973-1048) 154 та асар ёзган улуғ қомусий олим бўлган. 1004 йилда Хоразмшоҳ Абул Аббос Маъмун ибн Маъмун саройига келган ва “Дорул ҳикма вал маориф”ни раиси сифатида ўз даври илм-фани ривожига улкан ҳисса қўшган. 1017 йилда Маҳмуд Ғазнавий Хоразмни истило қилиб, маҳаллий олимлар, жумладан Берунийни ҳам Ғазнага олиб кетган. Беруний умрининг охиригача Ғазнада фаолият юритган.