Aktyorlik mahorati

Musiqali teatr	-
sahna xatti- harakati va musiqali uyg’unligi asosiga qurilgan qo‘shiq va raqs elementlari ishtirok etgan (opera, balet, operetta, myuzikl) teatr.
Muqaddima	-	adabiy-badiiy, ilmiy, musiqa va sh.k. asarlarning boshlanishi, kirish qismi.
Oliy maqsad	-	rejissyorning, nega aynan shu pessani sahnalashtirayotgani, uning yordamida nima demoqchiligi, tomoshabinda qanday fikr va tuyg’ular uyg’otishi kerakligini aniqlash mahsuli.
Ommaviy sahna	-	pesa davomida olomon, xalq, omma kabilarni aks ettiruvchi, ishtirokchilarning soni ko‘p bo‘lgan sahna ko‘rinishi.
Pantomima	-	teatr tomoshalarining bir turi bo‘lib, unda badiiy obraz so‘zsiz, mimika, imo-ishoralar, gavdani har maqomga solish orqali yaratiladi.
Parda	-	1. Teatrda sahna jihozi yoki spektakl bezagi. 2. Dramatik asar, spektaklning bo‘limi (akt). 3. Torli musiqa asboblari dastasiga bog’lanadigan to‘siq bo‘g’inlar.
Parodiya	-	adabiyot, musiqa va tasviriy san’atda biror san’atkor ijodi yoki ayrim asarning uslubiga taqlid qilish yo‘li bilan tanqidiy ruhda yaratilgan asar.
Parter	-	teatr va kontsert zallarining sahnaga nisbatan pastroqda joylashgan, tomoshabinlar o‘tiradigan qismi.
Pauza	-	1. Kuy, ashula orasida uzilish, o‘xshash va uning notadagi belgisi. 2. Nutqdagi tanaffus, intonatsiya elementlaridan biri.
Plastika	-	balet, raqs, badiiy gimnastikada kishi tanasining nafis harakatlari, nafis harakat san’ati.
Popurri	-	har xil keng tarqalgan musiqa asarlaridan olingan parchalardan tuzilgan yig’ma asar.
Portal	-	sahnani tomoshabin zalidan ajratib turuvchi chegara.
Premera	-	yangi tayyorlangan yoki qayta ishlangan spektakl, estrada yoki tsirk dasturining birinchi marta pullik ko‘rsatilishi, shuningdek, yangi filmning birinchi marta namoyish qilinishi.
Prolog	-	1. Adabiy asarlarda muqaddimaning bir turi. 2. Teatrda spektakl boshlanishi oldidan ijro etiladigan ko‘rinish, sahna. 3. Musiqada kantata, oratoriyalarning kirish qismi.
Pesa	-	1. Teatrda qo‘yish uchun mo‘ljallangan dramatik asar. 2.

		Yakkanavoz sozanda yoki cholg’uchilar ansambli uchun yozilgan kichik musiqa asari.
Rejissyor	-	korfarmon. Teatr va kinoda dramatik yoki musiqali asarlarni sahnalashtiruvchi hamda filmni suratga olish jarayonini boshqaruvchi.