Aktyorlik mahorati

Teatr kostyumi	-
tomoshabin va aktyorga bo‘layotgan voqea va davrni tushunishga, uning ruhiga singdirishga yordamlashuvchi muallif g’oyasini ochib beruvchi kiyim, parik va grimlar.
Teatrlashti- rilgan ommaviy tomoshalar	-	noan’anaviy sahnalarda o‘tkaziladigan biror mavzu yoki sanaga bag’ishlangan teatr elementlari bilan boyitilgan katta omma ishtirok etadigan tadbir.
Temp	-	1. Musiqa asarini ijro etishdagi tezlik darajasi. 2. Ishdagi, harakatdagi sur’at, tezlik.
Tragediya	-	qahramonning biror odamga, tuzumga, hayotga yoki o‘z-o‘ziga qarshi kurashi aks etgan jismoniy yoki ruhiy halokati bilan yakun topuvchi fojeaviy sahna asari. Dramaturgik janr. Yunoncha “echki qo‘shig’i”.
Tragikome-diya	-	chuqur dramatizm xarakterlariga ega bo‘lgan komik qarama- qarshiliklar asosidagi, ham tragediya, ham komediya elementlarini o‘z ichiga olgan dramatik asar.
Etyud	-	1. Tasviriy san’atda biror narsaning o‘ziga, asliga qarab ishlangan, odatda biror katta asar yaratish uchun asos bo‘lib xizmat qiladigan dastlabki rasm, eskiz va sh.k. 2. Ijrochilik mahoratini oshirish uchun yozilgan musiqaviy pesa, virtuoz xarakterdagi uncha katta bo‘lmagan musiqaviy asar. 3. Teatr pedagogikasida aktyorlik texnikasini rivojlantirish va takomillashtirish uchun xizmat qiluvchi janr. Hayotiy haqiqat asosida harakatga asoslangan, kam so‘zli, diologsiz, dramaturgiya komponentlarini mujassam etgan kichik ko‘rinish. 4. Uncha katta bo‘lmagan adabiy, ilmiy yoki falsafiy ocherk.
Yumor	-	voqealarni kishilarning xarakteri va xatti-harakatidagi turli kamchiliklarni, zaif tomonlarni beg’araz hajv qilish, hazilomuz, kulguli tasvirlash.
Yarus	-	teatrdagi tomosha zalining orqa , yon devori bo‘ylab joylashgan o‘rindiqli balkoni.
Qiziqchi	-	o‘zbek xalq qiziqchilik teatrining aktyori.