«актуальные вопросы развития социального сектора экономики: отечественный и зарубежный опыт»

ТАВАККАЛЧИЛИКЛАРНИ БОШҚАРИШ ТИЗИМИНИ 
ТАКОМИЛЛАШТИРИШ 
 
Имодинов Хамидилло Сойибжонович 
Тошкент давлат аграр университети Андижон филиали Агросаноатда 
бухгалтерия ҳисоби кафедраси катта ўқитувчиси 
 
Аннотация: Мақолада мамлакатимизда амалга оширилаётган кенг 
қамровли иқтисодий ислоҳотлар вазифаларидан келиб чиқиб тадбиркорлик 
тузилмалари фаолиятидаги таваккалчилик турлари ва уларни бошқариш 
тизимини такомиллаштириш йўналишлари тадқиқ этилган.
Калит сўзлар: тадбиркорлик тузилмалари, инвестицион сиёсат, хонадон 
хўжалик, экспорт салоҳияти, тадбиркорлик даромади, таваккалчиликларни 
бошқариш. 
 
Иқтисодий ислоҳотларнинг чуқурлашуви шароитида тадбиркорлик 
тузилмалари самарали фаолияти ва фаол тадбиркорликнинг таъминланиши улар 
тараққиёти жараёнидаги таваккалчиликларни самарали бошқаришни талаб 
этади. Бу эса Ўзбекистон иқтисодий ривожланишининг барқарор суръатлари, 
самарадорлиги ва макроиқтисодий мувозанатни таъминлаш, тадбиркорлик 
тараққиётининг барқарорлигини ошириш, стратегик аҳамиятга молик 
лойиҳаларни амалга ошириш учун фаол инвестицион сиёсатни амалга ошириш, 
мамлакатда аҳоли турмуш фаровонлиги даражасини янада ошириш борасидаги 
масалаларни тўлиқ ва самарали ҳал этиш имконини беради. Бунинг учун, энг 
аввало, Ўзбекистон Республикасида тадбиркорлик тузилмалари тараққиёти 
жараёнида таваккалчиликларни бошқариш тизимининг мазмун моҳиятини теран 
ва чуқур англаб етилиши талаб этилади.
Маълумки, қулай инвестиция муҳити ва жозибали инвестиция муҳити 
яратишга, адолатли рақобатни ривожлантиришга, хусусий тадбиркорлик жадал 
ривожланишини рағбатлантиришга катта эътибор берилмоқда. Бундай ёндашув, 
биринчи навбатда, республикамиз иқтисодиётида хусусий секторни жадал 
ривожлантириш устуворлиги билан изоҳланади. 
Жаҳон амалиётида тўпланган илғор ва бой тажрибаларга таянган ҳолда 
айтиш мумкинки, мамлакатда тадбиркорлик тузилмалари тараққиёти жараёнида 
таваккалчиликларни бошқариш тизимини такомиллаштириш молиявий-
иқтисодий муносабатлар тизимида давлат идоралари, фирма ва ташкилотлар 
(иш берувчи сифатида), хонадон хўжаликлари ва уларнинг аъзолари томонидан 
тадбиркорликка нисбатан қизиқишнинг ортиши билан бир қаторда иқтисодиётда 

---