«актуальные вопросы развития социального сектора экономики: отечественный и зарубежный опыт»

ҲУДУДИЙ ДАРАЖАДАГИ ТАРКИБИЙ ЎЗГАРИШЛАРГА 
РАҚАМЛИ ИҚТИСОДИЁТНИНГ ТАЪСИРИ 
 
Маъмуров Бахтиёр Холматжанович 
ТДИУ ҳузуридаги “Ўзбекистон иқтисодиётини ривожлантиришнинг 
илмий асослари ва муаммолари” ИТМ таянч докторанти 
Аннотация: 
Мақолада ҳудудий даражадаги таркибий ўзгаришларга 
рақамли иқтисодиётнинг таъсири бўйича фикрлар келтирилган. Уларнинг 
худудлар бўйича амалга ошириш юзасидан меъёрлар ишлаб чиқилган. 
Калит сўзлар: 
рақамли иқтисодиёт, ахборотлаштириш, иқтисодиётни 
глобаллаштириш, электрон тижорат тизимлар, рақамли инфратузилма.
 

---

INTERNATIONAL SCIENTIFIC-PRACTICAL CONFERENCE 
«ACTUAL ISSUES OF THE DEVELOPMENT OF THE SOCIAL SECTOR OF THE 
ECONOMY: DOMESTIC AND FOREIGN EXPERIENCE»
 
ANDIJAN, UZBEKISTAN, MAY
 2020
 
249 
«Иқтисодиётнинг ижтимоий секторини ривожлантиришнинг долзарб масалалари: миллий ва хорижий тажриба» 
«
Актуальные вопросы развития социального сектора экономики: отечественный и зарубежный опыт
»
 
Кейинги вақтда рақамли иқтисодиётни ривожлантириш бўйича изчил 
чора-тадбирлар амалга оширилмоқда, давлат органлари ва бошқа 
ташкилотларда электрон ҳужжат алмашинуви ҳамда жисмоний ва юридик 
шахсларга хизмат кўрсатиш учун электрон тижорат тизимлари босқичма-
босқич жорий этилмоқда.
Рақамли иқтисодиётни жадал ривожлантириш учун шарт-шароитлар 
яратиш, ҳудудларни изчил ривожлантириш, давлат бошқаруви тизимини янада 
такомиллаштириш, ундан фойдаланиш имкониятларини кенгайтириш, 
замонавий инфратузилмани қўллаш бугунги куннинг долзарб масалаларидан 
ҳисобланади. 
2020 йилни “Илм, маърифат ва рақамли иқтисодиётни ривожлантириш 
йили” деб эълон қилинганлиги юқоридаги фикримиз нақадар аҳамиятлилигини 
билдиради. 
Ахборотлаштириш ва иқтисодиётни глобаллаштириш, шунингдек 
анъанавий усуллар ва соҳалар улушини камайтириш, хизмат кўрсатиш 
соҳасини кенгайтириш, иқтисодиёт тармоқларини юқори технологиялар билан 
таъминлаш, иқтисодиётининг инновацион ривожланиши, ҳудудларни комплекс 
ривожлантириш рақамлаштириш шароитида зарур бўлган таркибий 
ўзгаришларнинг асосий шартидир. 
Ҳозирги кунда замонавий рақамли технологияларга асосланган ижтимоий 
муносабатлар ва тузилмалар мураккаблашмоқда. Буларнинг барчаси рақамли 
иқтисодиётни шакллантириш ва ривожлантириш долзарблигини кўрсатмоқда. 
Рақамли иқтисодиёт ўзининг умумий шаклидаги янги иқтисодиёт тури бўлиб, 
унда кўпайиб бораётган маълумотларни ишлаб чиқариш, қайта ишлаш, сақлаш, 
узатиш ва фойдаланиш билан боғлиқ бўлган муносабатлар муҳим аҳамиятга 
эга[1]. 
2017 – 2021 йилларда Ўзбекистон Республикасини ривожлантиришнинг 
бешта устувор йўналиши бўйича Ҳаракатлар стратегияси ижросини 
таъминлаш, шунингдек, Ўзбекистон Республикаси Президентининг 2020 йил 24 
январдаги Олий Мажлисга Мурожаатномаси, парламент палаталари қўшма 
мажлиси ва ташкилий йиғилишларида белгиланган вазифаларни самарали ва ўз 
вақтида амалга ошириш мақсадида турли чора-тадбирлар амалга ошириш 
режалаштирилган[2] жумладан, 2020 йил 1 июндан бошлаб давлат улушига эга 
бўлган банклар трансформацияси бўйича «йўл харита»ларини амалга 
оширишга киришилсин, шу жумладан аҳоли ва хўжалик юритувчи 
субъектларга кўрсатилаётган банк хизматлари сифатини ошириш ҳамда 
замонавий чакана банк хизматлари турларини кўпайтириш; 2020 йилда 
«рақамли маркировка ва онлайн касса» лойиҳасини ўз вақтида ва тўлиқ 
бажариш ҳамда «Э-омбор» товарларни ҳисобга олишнинг электрон тизимини 
ишлаб чиқиш ва жорий этиш; 2020 йилда камида 800 мингта кенг полосали 

---