Актив ҳолатда металларнинг эриш қонуниятлари

Эритма компонентлари иштирокида борадиган металларнинг анодли эриши. Амалда электрокимёвий босқичлар билан лимитланадиган эриш жараёнларининг тезлигига нафақат потенциал, балки эритма компонентларининг концентрацияси, кўп ҳолларда электролит анионлари ҳам таъсир қилади.
Я.М.Колотыркин назариясига асосан, металл атомларининг ионизацияланиш реакциялари одатда, металл сиртидаги атомларнинг муҳит компонентлари билан кимёвий ёки адсорбцион-кимёвий таъсирлашиш босқичларини ҳам ўз ичига олади.
Металлнинг эриш жараёнида муҳит компонентлари ролини баҳолашда металл сиртининг энергетик биржинсли эмаслигини, яъни бир хил заррачанинг адсорбцияси сиртнинг баъзи қисмларида кучайтирувчи, бошқа қисмлари учун эса ингибирловчи бўлиши мумкинлигини эътиборга олиш лозим.
Коррозия тезлигининг эритма таркибига боғлқлиги. Коррозия жараёнини ташкил этувчи икки реакция парциал тезликларининг потенциалга ва эритма таркибига боғлиқлиги маълум бўлса, у ҳолда коррозия потенциали ва коррозия тезлигининг эритма таркибига боғлиқлик ифодасини олиш мумкин. Коррозия потенциали учун бу ифода:
Е_кор = K''— (6.10)
бу ерда α ва β – мос равишда анод ва катод реакциялари учун кўчиш коэффициентлари; K''– константа.
Юқоридаги (6.10) тангламадан фойдаланиб, коррозия тезлигининг эритма таркибига (рН) боғлиқлигини топиш мумкин:
lg i_кор = K''' — (6.11)
(6.11) тенглама кўрсатадики, агарда коррозия жараёни (6.1) ва (6.1) тенгламалар бўйича бориб, металл Ме²⁺ гача эриса, эритманинг рН ориши билан коррозия тезлигининг логарифми чизиқли равишда камаяди.
6.3. Коррозия диаграммалари.
Коррозия жараёнининг тезлиги энг секин, лимитловчи босқичнинг тезлиги билан аниқланади. Бу бочқични назоратловчи фактор дейилади. Уни аниқлаш учун инглиз олими Эванс томонидан тавсия этилган ва энг кўп тарқалган, анод ва катод реакциялари кинетикасини ўзида акс эттирувчи график усул – диаграммалар методидан фойдаланилади.
Бунда ўқи ордината бўйича потенциалнинг манфий қийматлари қўйилиб, Е_а ва Е_к ларнинг стационар қийматлари белгиланади ҳамда анод ва катод қутбланиш эгриликлари чизилади. Бу эгриликларнинг кесишиш нуқтаси коррозия токининг максимал қиймати i_max ни кўрсатади. Шунингдек унга мос келадиган коррозиянинг умумий потенциали белгилаб олинади.
Коррозия диаграммалари коррозия жараёнларининг тўхтатувчи (назоратловчи) факторини аниқлаш имконини беради. Бу эса коррозиядан ҳимоялаш усулларини танлашда жуда муҳим аҳамиятга эгадир. Чунки коррозиянинг лимитловчи босқичида уни бартарафлаш энг юқори самара беради.
Амалда учрайдиган коррозияни назоратлашнинг олтита асосий ҳолати Н.Д.Томашов томонидан аниқланган бўлиб, улар 6.2-расмда келтирилган.