Aksiyadorlik jamiyatlari va aksiyadorlarning huquqlarini himoya qilish to‘g‘risida (yangi tahriri) 1-bob. Umumiy qoidalar

60-modda. Davlat organlarining qarorlari, ular mansabdor shaxslarining harakatlari (harakatsizligi) ustidan shikoyat qilish
Davlat organlarining qarorlari, ular mansabdor shaxslarining harakatlari (harakatsizligi) ustidan sud tartibida shikoyat qilinishi mumkin.
LexUZ sharhi
Qo‘shimcha ma’lumot uchun qarang: O‘zbekiston Respublikasi “Tadbirkorlik faoliyati erkinligining kafolatlari to‘g‘risida”gi Qonunining 50-moddasi, O‘zbekiston Respublikasining Fuqarolik protsessual kodeksi va O‘zbekiston Respublikasining Iqtisodiy protsessual kodeksi.
9-bob. Yakunlovchi qoidalar
61-modda. Investorning tavakkalchiligi
Investitsiyalash obyekti sifatida qimmatli qog‘ozlarni tanlash va bu tanlovning tegishli oqibatlari investorning tavakkalchiligidir.
62-modda. Qimmatli qog‘ozlar bo‘yicha da’vo muddatlari
Emitent va qimmatli qog‘ozlar bozorini tartibga solish bo‘yicha vakolatli davlat organi tomonidan qabul qilingan, emissiyaviy qimmatli qog‘ozlarni chiqarish bilan bog‘liq bo‘lgan qarorlarni haqiqiy emas deb topish, emissiyaviy qimmatli qog‘ozlarning chiqarilishini, emissiyaviy qimmatli qog‘ozlarni joylashtirish jarayonida tuzilgan bitimlarni haqiqiy emas deb topish uchun da’vo muddati emissiyaviy qimmatli qog‘ozlarning chiqarilishini joylashtirish muddati tugagan sanadan e’tiboran bir yilni tashkil etadi.
Veksel saqlovchining indossantlarga qarshi va veksel beruvchiga qarshi talablari bo‘yicha da’vo muddati belgilangan muddatda bildirilgan protest kunidan e’tiboran yoki chiqimlarsiz oborot to‘g‘risida shartlashilgan taqdirda, to‘lov muddati kunidan e’tiboran bir yilni tashkil etadi.
Indossantlarning bir-biriga va veksel beruvchiga nisbatan talablari bo‘yicha da’vo muddati indossant vekselni to‘lagan kundan e’tiboran yoki unga nisbatan da’vo taqdim etilgan kundan e’tiboran olti oyni tashkil etadi.
Ushbu moddaning birinchi — uchinchi qismlarida nazarda tutilmagan o‘zga hollarda, shuningdek boshqa qimmatli qog‘ozlar bo‘yicha da’vo muddatlari qonunga muvofiq belgilanadi.
LexUZ sharhi
Qo‘shimcha ma’lumot uchun qarang: O‘zbekiston Respublikasi Fuqarolik kodeksining 12-bobi (“Da’vo muddati”).