Akrom abbasovich karimov, farxod rashidovich islomov, anvar ziyadullaevich avloqulov

 
8.4. Soliq munosabatlari va professional xizmat uchun haq to’lash 
Auditorlar soliqqa tortish to’g’risidagi qonunchilikka har tomonlama qat’iy 
rioya qilishga majburlar: ular o’z daromadlarini soliqqa tortilishdan ongli ravishda 
yashirmasliklari yoki boshqa tarzda o’z manfaatlari yo boshqa shaxslar manfaatlari 

---

163 
uchun soliq qonunchiliklarini buzishlari mumkin emas. 
Soliqqa tortish bo’yicha professional xizmat ko’rsatishda auditor mijoz 
manfaatlariga tayanadi. Shu bilan birga u soliq qonunchiligiga amal qilishga 
majbur va mijozning soliq to’lashdan bosh tortish va soliq xizmatini aldash 
maqsadlaridagi soxtakorliklarga yordam berishi mumkin emas. 
Majburiy audit o’tkazish davomida aniqlangan soliq qonunchiligining 
buzilishlari, hisoblashlardagi va soliq to’lovlardagi xatoliklar haqida auditorlar 
mijozning ma’muriyatiga va aktsionerlik jamiyatiga yozma shaklda xabar qilishi, 
ularni ehtimoliy oqibatlar va qoida buzishlar hamda xatolarni tuzatish yo’llari 
haqida ogohlantirishi zarur. 
Soliqqa tortish sohasidagi tavsiyalar va maslahatlarni auditor mijozga faqat 
yozma shaklda taqdim etishga majbur. Bunda u o’z tavsiyasi soliq idoralari bilan 
har qanday muammoni hal qilish borasida mijozni umidvor qilmasligi, shuningdek, 
mijozning soliq deklaratsiyasini va boshqa soliq hisobotlarini tuzish va ularning 
mazmuni uchun javobgarlik mijozning zimmasida bo’lishi haqida ogohlantirishi 
zarur. 
Auditorning professional xizmati uchun to’lovlar, agar u bajarilgan 
xizmatning hajmi va sifatiga bog’liq holda to’lansa, kasb etikasi me’yorlariga 
javob beradi. U ko’rsatilayotgan xizmatning murakkabligiga, auditorning 
malakasiga, tajribasiga, kasbiy obro’siga va javobgarlik darajasiga ham bog’liq 
bo’lishi mumkin.
Auditorning professional xizmatiga to’lovlar miqdori qandaydir ma’lum bir 
natijaga erishishga yoki yuqorida ko’rsatilgan holatlardan boshqa vaziyatlarga 
bog’liq bo’lmasligi lozim. 
Auditor mijoz bilan o’z xizmatiga haq to’lash shartlari va qoidalarini oldindan 
kelishib olishi va yozma ravishda mustahkamlab qo’yishi lozim.
Bitta mijozning to’lagan haqqa auditorning ko’rsatgan xizmatlari uchun yillik 
to’lovni yoki uning katta bir qismni tashkil etishi holati kasb etikasiga rioya 
qilinganligini shubha ostiga qo’yadi. 

---

164