Акциз солиғИ

1. Акциз солиғининг қатъий солиқ ставкалари белгиланган ҳолатларда, жумладан:

1.1. Сувсиз этил спиртининг 1 литри учун акциз солиғининг қатъий ставкалари белгиланган маҳсулот бўйича маҳсулот бирлигига алкоголли маҳсулот (спирти кам вино, шампан виносидан ташқари)

(М х А) : 100,

бунда: М - тайёр маҳсулот таркибидаги спирт ўткирлиги, фоизларда (ундан спирт тайёрланган хом ашё туридан қатьи назар);

А - акциз солиғининг қатъий ставкаси, ўлчов бирлиги сўмларда.

1.2. Тайёр маҳсулот бирлигига акциз солиғининг қатъий ставкалари белгиланган маҳсулот бўйича (спирти кам вино, шампан виноси, пиво, вино маҳсулотлари, этил спирти, ҳамда тамаки маҳсулотлари ва ўсимлик мойи)

Ф х А,

бунда: Ф - тегишли ўлчов бирликларида сотилган маҳсулотнинг табиий ҳажми;

А - акциз солиғининг қатъий ставкаси, ўлчов бирлигига сўмларда.

2. Бошқа фоиз (адвалор) кўринишидаги ставкалар белгиланган акцизланадиган маҳсулотлар бўйича акциз солиғининг суммаси қуйидаги формулага асосан аниқланади:

(О х А) : 100,

бунда:

О - ўз ичига акциз солиғини оладиган нарх, ҚҚСсиз;

А - акциз солиғи ставкаси, фоизларда.

Акциз солиғи суммасининг ҳисоб-китоби учун акцизни ўз ичига оладиган нарх қуйидаги формула бўйича аниқланади:

О = (С х 100) : 100 - А,

бу ерда: О - ҚҚСсиз акциз солиғини ўз ичига оладиган нарх;

С - корхонанинг ҳисоб-китоб (улгуржи) нархи (меъёрий харажатлар ва фойда меъёри);

А - акциз солиғи ставкаси.

2. Акциз солиғи тўловчилар ва солиқ солиш объекти.

Акциз солиғи тўловчи юридик ва жисмоний шахслар қуйидагилардир:

-Ўзбекистон Республикаси ҳудудида акциз солиғи солинадиган товарларни (акциз тўланадиган товарларни) ишлаб чиқарувчилар;

-Ўзбекистон Республикаси ҳудудида акциз солиғи солинадиган (акциз тўланадиган хизматлар) мобиль алоқа хизматларини кўрсатувчилар;

-бензин, дизель ёқилғисини якуний истеъмолчиларга реализация қилишни, шу жумладан автомобилларга ёқилғи қуйиш шохобчалари орқали реализация қилишни, шунингдек газни автомобилларга ёқилғи қуйиш шохобчалари орқали реализация қилишни амалга оширувчилар. Ушбу бўлимни қўллаш мақсадида якуний истеъмолчилар деганда ўз эҳтиёжлари учун бензин, дизель ёқилғиси ҳамда газ олувчи юридик ва жисмоний шахслар тушунилади.