Қаймоқ сифатини текшириш

Қаймоқнинг ифлосланиш даражасини аниқлаш
Ишнинг бориши
Қаймоқ фильтрлашдан олдин таркибидаги сут ёғининг эриши учун 35-40 ⁰С ҳароратгача иситилади. Сўнгра тажрибада қўлланиладиган фильтр қоғози ёки пахтали фильтрдан ўтказиб фильтрланади. Фильтрлангандан сўнг пахтали фильтр сал қуритилади ва стандартга кўрсатилган эталон билан таққосланади. Ифлосланиш даражасига қараб қаймоқ I, II ёки III гуруҳли бўлади.
I гуруҳда - фильтрда механик чиқиндилар бўлмайди.
II гуруҳда - механик чиқиндиларнинг бир оз бўлаклари бўлади.
III гуруҳда - фильтрда кўзга яққол кўринувчан йирик ёки майда механик чиқиндилар бўлади.
Сотувга чиқарилган қаймоқнинг ифлосланиш даражаси I-гуруҳга тааллуқли бўлиши керак.
Қаймоқнинг кислоталилигини аниқлаш.
Қаймоқнинг янгилигини аниқловчи кўрсаткичлардан бири кислоталилик ҳисобланади. Кислоталилик градус Тернерда белгиланади.
100 мл қаймоқни нейтраллаш учун керак бўлган ишқорнинг миллилитрлар сонига градус Тернер деб аталади. Қаймоқ кислоталилиги қаймоқ таркибида сут кислотаси, оқсиллар, тузлар ва бошқа моддаларнинг бўлиши билан характерланади.
Янги олинган қаймоқнинг кислоталилиги 17-19⁰Т га тенг бўлиши керак.
Ишнинг бориши
Ҳажми 100 мл бўлган конуссимон колбаса пипетка ёрдамида 10 мл яхшилаб аралаштирилган қаймоқ ўлчаб солинади. Унинг устига 20 мл тоза қайнатиб совутилган дистилланган сув қуйилади ва 3 томчи фенолфталеин томизилади. Колбадаги эритма яхшилаб аралаштирилади. Колбага аралаштириб турган ҳолда аста-секинлик билан ишқорнинг 0,1 нормалли эритмасидан қуйиб титрланади. Титрлаш аралашма ранги оч қизғиш рангга киргунча давом эттирилади. Сўнгра бюреткадан қанча миқдорда титрлаш учун ишқор сарф бўлганлиги аниқланади.
Қаймоқнинг кислоталилиги қуйидаги ифода орқали аниқланади:
Қ = 10 а  n
Бунда:
10 - титрлаш учун олинган қаймоқ миқдори, мл
а - титрлашда кетган 0,1 нормалли ишқор миқдори, мл
n - ишқорнинг нормаллик коэффициенти (0,9750).

Масалан, агар 10 мл қаймоқни титрлаш учун 1,95 мл 0,1 нормалли ишқор кетган бўлса, қаймоқнинг кислоталилигини ҳисоблаб топамиз.

K = 10  a  n = 10  1,95  0,9750 = 19⁰Т