Aholi o’rtasida turizmni tashkil qilish

3.3. Turizm texnikasi bo’yicha musobaqalar
o’tkazish namunalari
Sayohatlar, yurishlarda xilma-xil musobaqalar, slyotlar tashkil qilinadi. Katta yoshdagi kishilarning sayohatlari jarayonida sportning voleybol, futbol, badminton, suvda suzish kabi turlaridan oddiy qoidalar bo’yicha musobaqalar, ko’ngil ochish tadbirlari tashkil qilinadi. Turli harakatli o’yinlar uyushtiriladi. Balandliklarga chiqish, tushish, chodirlarni tez o’matish, ovqat pishirish kabilar bo’yicha ham musobaqalar, estafetalar tashkil qilinadi. Turistik sayohatlar va yurishlar davomida tashkil etiladigan turli musobqalar ham avvaldan tayyorlangan bo’lib, maxsus reja yoki nizom asosida o’tkaziladi.
Maktab o’quvchilarining barcha sayohat va yurishlarida yo’lda yurish tartibi, atroflarni ko’zdan kechirish, joylarni o’rganish, muzey va diqqatga sazovor joylarni tomosha qilish, sxema tuzish kabi tadbirlar bilan birgalikda turistik musobaqalar ham tashkil qilinadi. Maktab o’quvchilarining turizm bo’yicha musobaqalari turistik texnika va slyot hisoblanadi,
Turistik texnikaning asosiy elementlari past-baland joylarda yugurish, to’siqlardan arqon va oddiy ip oslamalardan qilingan vositalar yordamida o’tish, shikastlangan paytda birinchi yordam berish, karta (sxema) bo’yicha joylarni belgilash, azimut bo’yicha yurish, chodirlarni vaqtida qurish, ryukzakka kerakli buyum va jihozlami joylashtirish, ovqat pishirish, choy qaynatish, devoriy gazeta tayyorlash, fotoalbomlarni namoyish qilish kabilardir.
Ana shu elementlar turistik musobaqa yoki slyotlarda bajariladi.
Turizmning elementlari bo’yicha musobaqani bir jamoaning (kollektiv) o’zi ham tashkil qilishi mumkin. Bunda bir necha jamoa tashkil qilishga to’g’ri keladi, Jamoalar tuzish imkoni bo’lmaganda namuna sifatida 10-15 turistning ishtirokida musobaqa tashkil qilinadi. Bunday musobaqalar o’quvchi va turistlarning jismoniy tayyorgarligini oshirish, turistik malaka hosil qilish, yirik musobaqa yoki slyotlarga tayyorlanish maqsadida maktab turizm sektsiyalarida yil davomida muntazam o’tkaziladi. Bunday musobaqalar talabga javob beradigan tabiiy sharoitlarda tashkil qilinadi.