“ахборот хавфсизлиги”

RH 45-215:2009 - Раҳбарий ҳужжат. Маълумотлар узатиш тармоғида ахборот хавфсизлигини таъминлаш тўғрисида Низом. Ушбу ҳужжат N 100:2002 «Маълумотлар узатиш миллий тармоғида ахборот хавфсизлигини таъминлаш тўғрисида низом» ўрнига амалга киритилган бўлиб, маълумотлар узатиш тармоғида (МУТ) ахборот хавфсизлигини таъминлаш бўйича асосий мақсадлар, вазифалар, функциялар ва ташкилий-техник тадбирларни белгилайди.
RH 45-185:2011-Раҳбарий ҳужжат. Давлат ҳокимияти ва бошқарув органларининг ахборот хавфсизлигини таъминлаш дастурини ишлаб чиқиш тартиби. Ушбу ҳужжат RH 45-185:2006 ҳужжати ўрнига амалга киритилган бўлиб, давлат ҳокимияти ва бошқарув органларининг ахборот хавфсизлигини таъминлаш дастурларини ишлаб чиқиш тартибини белгилайди.
Ҳужжат ахборот хавфсизлигини таъминлаш дастурлари доирасида ишлаб чиқиладиган чора-тадбирларнинг мақсадлари, вазифалари, тузилмаси ва рўйхатига қўйиладиган намунавий талабларни белгилайди.
RH 45-193:2007 - Раҳбарий ҳужжат. Давлат органлари сайтларини жойлаштириш учун провайдерлар серверлари ва техник майдонларнинг ахборот хавфсизлигини таъминлаш даражасини аниқлаш тартиби. Ушбу ҳужжат давлат органлари сайтларини жойлаштириш учун провайдерлар серверлари ва техник майдонларнинг ахборот хавфсизлигини таъминлаш даражасини аниқлашнинг намунавий тартибини белгилайди.
Ушбу ҳужжат талаблари давлат органларининг сайтлари учун хостинг хизматларини тақдим этувчи барча ҳўжалик юритувчи субъектлар томонидан қўлланилиши мажбурийдир.
TSt 45-010:2010 – Тармоқ стандарти. Алоқа ва ахборотлаштириш соҳасида ахборот хавфсизлиги. Атамалар ва таърифлар. Ушбу тармоқ стандарти Ўзбекистон Республикаси Вазирлар Маҳкамаси ҳузуридаги давлат стандартлаштириш, метрология ва сертификатлаштириш маркази («Ўздавстандарт») томонидан 2002 йил 6 августда 112/066-сон билан рўйхатга олинган TSt 45.010:2002 «Отраслевой стандарт. Информационная безопасность в сфере связи и информатизации. Термины и определения» ўрнига амалга киритилган бўлиб, алоқа ва ахборотлаштириш соҳасида ахборот хавфсизлигидаги асосий атама ва таърифларни белгилайди.