Agronomiya va biotexnologiya fakulteti

Ruxli mikroo’g’itlar (B. A. Yagodin)

	Ta’sir etuvchi modda	Tatlir etuvchi modda miqdori, %
Rux sul’fat Polimikroo’g’it (PMO’- 7)	Zn Zn	21,8-22,8 2-5

PMO’-7 o’z tarkibida 2-5 % rux tutadi. Uni urug’larni ekish oldidan yoki ekish bilan birga qator oralariga 20 kg/ga me’yorida qo’llash tavsiya etiladi. Ildizdan tashqari oziqlantirish maqsadida ko’proq rux sulfat ishlatiladi (150-200 g/ga). Ruxli mikroo’g’itlarni bevosita urug’ bilan aralashtirib qo’llash ham mumkin. Buning uchun 4 g rux sulfat 4 l suvda eritiladi va 1 s urug’ bilan aralashtiriladi.

Kobalt

O’simliklarning I kg quruq, massasi tarkibida o’rtacha 0,021 mg kobalt mavjud. Ayrim o’simliklarda bu ko’rsatkich 11,6 mg/kg ni tashkil etadi. Kobalt ko’proq dukkakli ekinlarning tuganaklarida uchraydi. Shuningdek, o’simliklarning generativ organlari (masalan gul) ham ma’lum miqdor kobalt tutadi.

O’simlik tarkibidagi yalpi kobaltning 50% i ion. 20% i vitamin B„ va qolgan 30% i barqaror organik birikmalar shaklidadir.

O’simliklar kobaltni molibdenga nisbatan 300 marta kam talab qiladi. Kobalt bakteriya va fermentlarning faoliyatiga ijobiy ta’sir ko’rsatadi. Kobalt ta’sirida qandlavlagi hosildorligi gektariga 30-35 s, shakar miqdori 0,8% oshishi ko’zatilgan.

Bo’z tuproqlar tarkibida kobalt miqdori 1,0 mg/kg dan kam bo’lsa, kobaltli mikroo’g’itlar ishlatilishi lozim. Lekin chorva mollari uchun sifatli ozuqa yetishtirish maqsadida tuproq tarkibidagi kobalt miqdori 2,0-2,5 mg/kg bo’lganda ham mazkur mikroelementni ishlatish mumkin. Yem-xashak tarkibida kobalt miqdori 0,07 mg/kg dan kam bo’lsa, chorva mollarida akobaltoz xastaligi yuzaga keladi.

Kobaltli o’g’itlar sifatida kobalt sulfat, kobalt nitrat va kobalt xlorid tuzlaridan foydalaniladi.