Agrokonsalting tushunchasi, konsultatsiyadan maqsad va konsultant xizmatidan foydalanish. Industrial rivojlangan davlatlar tajribasida bozor munosabatlari sharoitida iqtisodiyotni rivojlantirish va ishlab chiqarishni to‘g‘ri boshqarish, xo‘jalik sub’yektlarining ishlab chiqarish va iqtisodini barqarorlashtirishning asosiy va muhim omillaridan biri sifatida konsalting xizmatlaridan foydalanish ajralib ko‘rsatitiladi.O‘zbekiston iqtisodiyotining barqaror rivojlanishi va jahon iqtisodiyotiga integrallashuvi davrida respublikamiz tadbirkorlari oldida iqtisodiy tahlil va korxonalarni boshqarish borasida xorijiy mamlakatlar konsalting kompaniyalari tajribasi keng o‘rganish va undanhalqaro talablar darajasida foydalanishdek murakkab vazifa turibdi.
Mamlakatimizda aynan innovatsion faoliyatni qo‘llab-quvvatlash va rag‘batlantirishga yo‘naltirilgan siyosat mustaqillikning dastlabki yillaridan amalga oshirib kelinmoqda. O‘zbekiston respublikasidagi hozirgi texnologik holat va bu sohadagi mavjud yangiliklarni tahlil qilishda shuni ta’kidlash zarurki, mustaqillik yillarida iqtisodiyotni erkinlashtirish, diversifikatsiyalash hamda tarkibiy o‘zgarishlarning amalga oshirilishi natijasida ko‘p tarmoqli va to‘laqonli milliy iqtisodiyotni barpo etilishiga erishildi.
Ko‘p ukladli iqtisodiyotning shakllanishi vanodavlat mulkchilikka asoslanganbozor sub’yektlarining ko‘payib borayotgani kabi omillar tashkilot boshqaruvchilarining odatiy xo‘jalik yuritish usullaridan yangi yo‘nalishlarga o‘tishlarini talab etmoqda. Xususan bozor iqtisodiyoti sharoitida ishlab chiqarish, boshqaruv, moliyaviy-iqtisodiy faoliyatga o‘zgacha talablar qo‘yilmoqda. Ayni paytda, iqtisodiyot hamda uning tarmoqlari boshqaruv tiziminisamaradorligini ta’minlashning asosiy omillaridan biri konsalting hisoblanadi. Konsalting xizmatlari mamlakatning bozor iqtisodiyotiga o‘tish sharoitida xo‘jalik sub’yektlarining faoliyat yuritishi hamda moslashuvchanligini oshishini ta’minlovchi asosiy vosita hisoblanadi. Konsalting boshqaruv infrastrukturasining muhim qismi hisoblanib, xo‘jalik yurituvchi sub’yektlarga kompleks boshqaruv iqtisodiy muammolarni xal etishga ko‘maklashadi.
Axborot-konsalting xizmati nima?
"Konsalting" iborasi inglizga "consulting" so‘zidan olingan bo‘lib "xizmatlar", "konsultatsiyalar"(maslahatlar) degan ma’nolarni bildiradi. Konsalting - bu tashqi maslahatchilar tomonidan u yoki bu muammoni hal etish bo‘yicha kursatiladigan xizmat turi hisoblanadi.1 Konsalting- bu intelektual faoliyat turi bo‘lib, uning asosiy vazifalariga buyurtmachilarning taqdim etgan masalani hal qilish, hamda ilmiy, texnik va tashkiliy iqtisodiy innovatsiyalardan foydalangan holda muammo yechimi va uning istiqboldagi taraqqiyotining asoslash demakdir.O‘z o‘rnida konsalting boshqaruv, iqtisodiy, moliyaviy, korxonalarning investitsion faoliyatini, strategik rejalashtirish, korxonaning umumiy faoliyatini optimizatsiyalash, biznes yuritish, bozor talablarini o‘rganish va prognoz qilish, narx-navolarni o‘zgarishini bashorat qilish va boshqa masalalarni hal qiladi. Boshqacha qilib aytganda, konsalting- bu u yoki bu masalani hal qilishda tashqi konsultantlar tomonidan ko‘rsatiladigan yordamning barcha ko‘rinishidir. Konsaltingning asosiy maqsadi bu boshqaruv sifatini oshirish, bozor sub’yekti faoliyati samaradorligini oshirish va har bir xodimning shaxsiy mehnat unumdorligini oshirishdir.
Agrokonsalting – qishloq xo‘jalik sohasida axborot maslaxat xizmati bo‘lib, fermer va dehqon xo‘jaliklari rahbarlari va agrar sohadagi boshqa barcha tadbirkorlik sub’yektlariga xo‘jalik faoliyatini tashkil etish, yuritish va boshsarish hamda istiqbolini belgilashga oid tashkiliy, iqtisodiy, moliyaviy, agrotexnologik va boshqa yo‘nalishlarda qarorlar qabul qilishda nisbatan ob’yektiv fikr, tasavvur, qarash va g‘oyalarni shakllantirish va oqilona hamda to‘g‘ri qarorlar qabul qilishlariga ko‘maklashish maqsadida axborotlar majmuini ma’lum tartib, qoida, tizim va tasnif hamda tamoyillar asosida yetkazib beruvchi su’bektdir.
Bugungi kunda qishloq xo‘jalik korxonalarining axborot bilan ta’minlash boshlang‘ich bosqichda turibdi. Turli mulk shaklidagi xo‘jalik yurituvchi korxonalarni bozor sharoitida samarali faoliyat yuritishda axborot ta’minoti xizmati muqobil mulk xuquqi tamoyillariga tayanadi. Bu esa tizimni yaratish, va rivojlantirib borishni talab qiladi. Bundan tashqari malakali mutaxassislar salohiyatini (potensiali) shakllantirish imkoniyati yaratiladi.
Agar respublika qishloq xo‘jaligida axborot maslahat xizmati (AMX) bo‘yicha bajarilgan ishlanmalarni zamonaviylashtirish tovar ishlab chiqaruvchilarga xizmat ko‘rsatish sifatini yaxshilash, tijorataxborotlarni o‘zlashtirishni osonlashtirish imkonini beradi. Mazkur masala yechimi quyidagi hal qilinishi zarur bo‘lgan qator muammolar bilan bog‘liqdir:
