Agrokonsalting

Batafsil intervyu olish usuli bir respondent, kamdan-kam hollarda ikki respondent bilan o‘tkaziladi. Ushbu usuldan foydalanilayotganda, respondentlar ruxsati bilan intervyu jarayoni suratga olinishi yoki magnit tasmasiga yozib olinishi mumkin. Batafsil intervyu olish usulining mohiyati shundaki, unda respondent, muhokama qilinayotgan mavzu bo‘yicha omma oldida aytishga xijolat tortayotgan yoki imkoni bo‘lmagan ayrim jihatlar xususida o‘z fikrlarini bildirishi mumkin.
Batafsil intervyu olish usulida, alohida bir ijtimoiy guruh (demogafik guruh, talabalar, ishchilar. mutaxassislar, rahbarlar, menejerlar va boshqa shaxslar) va faoliyat(xizmat, qiziqish) yo‘nalishiga mansub shaxslarning individual qarashi va fikrlari o‘rganiladi.
Ekspertlar fikrini so‘rash usuli birlamchi ma’lumotlarni tadqiqot ob’ekta bo‘yicha ma’lum ko‘nikma, tajriba, bilim va intuitsiyaga ega mutaxassis ekspertlardan to‘plashga asoslangan. Odatda, ekspertlar so‘rovida asosan ochiq shakldagi savollardan foydalaniladi, yopiq turda shakllantirilgan savollardan kamdan- kam hollarda foydalaniladi.
Ekspertlar fikrini so‘rash usuli, odatda, fermer xo‘jaligi, korxona yoki firmaning ishlab chiqarish yoki ijtimoiy faoliyati bilan bogliq asosiy yo‘nalishlarini xizmat ko‘rsatish ko‘lami va yo‘nalishlarining o‘zgarish tendensiyasini aniqlashda qo‘llanilganda yuqori samaraga erishish mumkin.
Mahsulot yoki xizmat ko‘rsatish tizimini takomillashtirish yo‘nalishlarini aniqlashda axborot va ma’lumot yig‘ishnin yashash joylariga tashrif buyurish usuli, boshqa usullar bilan bir qatorda eng samarali tadqiqot usullaridan biri xisoblanadi. Ushbu usul iste’molchilarning bevosita yashash joylaridagi faoliyatini qayd etishga imkon beradi. Usulning ijobiy jihatlari - tadqiqotchining o‘rganilayotgan ob’ekt bilan bevosita aloqada bo‘lishi; o‘rganish jarayonida bilvosita bo‘g‘inning bo‘lmasligi; ma’lumotlarni tezkor tarzida olish imkonining mavjudligi va boshqalar.
Kuzatuv o‘tkazish usuli birlamchi ma’lumotlarni turli manbalardan, oldindan tayyorlangan maxsus shakldagi jadval blankalarda qayd etib borish usuli xisoblanadi. Kuzatuv - tabiiy, otadiy sharoitdagi jarayonlarni kuzatib borish hamda sun’iy, tadqiqotlar o‘tkazish uchun maxsus yaratilgan sharoitlarda kuzatuv olib borish kabi yo‘nalishlarga bo‘linadi.