Agrokonsalting

Nazorat uchun savollar?

1.Manbalar o‘rtasidagi o‘zaro aloqalarning mavjudligi.

2.AMXda o‘zaro teskari aloqalar mexanizmlari.
3. Tashxis fazalarining natijalari nima?

7-M A V Z U: Umumiy va strategik boshqaruvda agrokonsalting xizmati



REJA
1. Umumiy va strategik boshqaruvda konsalting nazariyasi.
2. Boshqaruv usuli va korporativ madaniyat.
3. Fermer xo‘jaliklarida agrokonsalting strategiyasi samaradorligini asoslanganlik monitoringi.



Tayanch iboralar: umumiy boshqaruv, strategik boshqaruv, strategiya, korporativ strategiya, korporativ boshqaruv,konsalting konsepsiyasi, modernizatsiya

1–savol


Umumiy va strategik boshqaruvda konsalting nazariyasi.
Konsalting – mulkning istalgan shaklida faoliyat ko‘rsatuvchi korxonalar, firmalar va tashkilotlarning keng ko‘lamdagi iqtisodiy masalalari bo‘yicha mahsulot ishlab chiqaruvchilarga, sotuvchilar va iste’molchilarga maslahat berish, demakdir.
Axborot-konsalting tashkiloti tadbirkorlarga shunday maslahat beradiki, unda na hissadorlarda, na qishloq xo‘jalik korxonalarida ishlayotgan odamlar norozi bo‘ladilar. Boshqacha aytganda, ishlab chiqarish bilan bog‘liq bo‘lgan barcha ishtirokchilarning manfaatlari himoya qilinadi. Bunda u yoki bu sohaga mansublikning ahamiyati yo‘q, konsalting tamoyillari hamma tarmoqda birdek qo‘llaniladi.
Jahon tajribasi shuni ko‘rsatadiki, aynan axborot-konsalting xizmati boshqaruv organlari yo‘qotgan ko‘pgina funksiyalarni o‘z zimmasiga olishi va natijada sohada ijobiy o‘zgarishlarga olib kelishi mumkin.
Jahon iqtisodiyotida ro‘y berayotgan yangi texnologiyalarning rivojlanishi, tovarlar, xizmatlar va ishchi kuchi bozoridagi raqobatning kuchayishi har bir xo‘jalik sub’yektidan ishlab chiqarishni tarkiban yangilash, milliy iqtisodiyotning raqobatbardoshligini oshirish uchun dunyo amaliyotida o‘zini oqlagan boshqaruv usullarini o‘z faoliyatiga qo‘llashni taqozo etmoqda. Bu esa o‘z navbatida korxonalardan:
- aholining tez o‘sib, o‘zgarib borayotgan ehtiyojlarini to‘laroq qondirish;
- zamonaviy texnologiyalarni ishlab chiqarishga tatbiq etish;
- raqobatdosh mahsulotlar ishlab chiqarish;
- tovarlarning hayotiylik davrini barqaror o‘sib borishini ta’minlash;
- tejamkor texnologiyalarni qo‘llash;
- investitsiya muhitini yaratish hamda zamonaviy korporativ boshqaruv usullaridan foydalanishni dolzarb masalaga aylantirdi.
Katta firmalarning korporativ strategiyasi kompaniya tashkil etish, ishni qayta qurish va boshqa umumiy boshqaruv masalalari konsaltingini ta’minlash esa, ayrim firmalar, ayniqsa, bu sohada band va umumiy ish rivojlantirishni nazarda tutadi. Ularga, shuningdek, ularning bazasiga ye-tijorat strategiyasi qo‘shiladi. Strategiya va umumiy ishni rivojlantirish bo‘yicha alohida tajribaga ega konsalting firmalari: McKinsey, Boston Consulting Group, Bain, Booz-Allen & Hamilton, axborot texnologiyalarni o‘z ichiga oladi.
Korporativ boshqaruv va korporativ korxonalarning samarali faoliyatini ta’minlash maqsadida olib borilgan sa’y harakatlar va iqtisodiy siyosat korporativ tuzilmalarning investitsion salohiyatini oshirish orqali namoyon bo‘ladi. Aksiyadorlik jamiyatlarida investitsiyalarning jalb qilishdagi alohida o‘ziga xosligi shundaki, aksiyadorlik jamiyatlarining aksiyalari bozorda sotilishi orqali ularga emission investitsiyalar jalb etiladi. Shu bilan birga ularning ikkilamchi bozordagi harakati ham shu korxonada korporativ boshqaruv tamoyillari qay darajada amal qilayotganligini ko‘rsatuvchi ko‘rsatkich hisoblanadi. 6.1-chizmadakorporativ internet-saytlarda berilishi maqsadga muvofiq ma’lumotlar keltirilgan.