Agrokonsalting

2–savol


Konsalting sub’yektlari va ob’yektlari.
Agrokonsalting xizmatlarida ob’yekt bo‘lib –mijozlar, ya’ni fermer va dehqon xo‘jaliklari, qishloq xo‘jalik sohasidagi tadbirkorlarning u yoki bu turdagi faoliyatini rivojlantirish va takomillashtirish bo‘yicha bajariladiganfaoliyat hisoblanadi. Agrokonsalting xizmatlarida sub’yekti bo‘lib esa- mijozlar, ya’ni fermer xo‘jaliklari, dehqon xo‘jaliklari, axborot maslahat markazlari, shuningdek qishloq xo‘jalik sohasidagi tadbirkorlariga bevosita AMXni amalga oshiruvchi maslahatchi(konsultant)lari hisoblanadi. Konsultatsiya jarayoniikki xamkor o‘rtasidagi munosabat tizimidir. Mijoz(agrokonsalting xizmati sub’yekti va ob’yekti) muayyan sharoitda kelishuvda ko‘rsatilgan maslahat xizmatlari uchun haq to‘laydi, maslahatchi (agrokonsalting xizmati sub’yekti) mijozning ish faoliyatini samarali olib borishi uchun muayyan vaqt oralig‘ida qilgan ishlari va bergan maslahatlari uchun haq oladi.
Maslahatchi (konsultant) o‘z faoliyatiti davomida bir nechta tamoyillarga rioya qilishi maqsadga muvofiqdir:¹⁷

• 
  ish faoliyati davomida samimiy bo‘lishlik va mijozga o‘z fikrini bildirish, lekin psixologiik tazyiq ostida mijozning fikrini o‘z foydasi uchun butunlay o‘zgartirishga xarakat qilmasligi kerak;
  
• 
  o‘z fikrini aniq va ravshan bayon eta olishi kerak, zero mijoz uning fikrini noto‘g‘ri tushunmasligi kerak;
  
• 
  mijozning nimani his qilayotganini seza olishi, uning qanday holatda ekanligini anglay olishi kerak;
  
• 
  bir biriga hurmatini yo‘qotmagan holda, noqulay vaziyat va xolatlarni aniqlashga tayyor bo‘lishi kerak.
  

Maslahatchilar:
ichki va
tashqi maslahatchilarga bo‘linadi.
Ichki maslahatchilar axborot maslahat markazida doimiy shtatda ishlab, iqtisod,boshqaruv, soliqva boshqa tegishli soha bo‘yicha mutaxasilikka ega bo‘lgan shaxslardir.
Tashqi maslahatchilar esa doimiy maslahatchi bo‘lmay, balki mijozlar bilan shartnoma asosida ishlaydigan maslahatchilardir.
Ichki va tashqi maslahatchilarning ijobiy va salbiy tomonlari mavjud. Ichki maslahatchilarning ijobiy tomoni shundaki, o‘zi faoliyat olib borayotgan axborot maslahat markazining ichki qonun-qoidalarini, ish olib borish usullarini, boshqaruvini, madaniyatini va siyosatini yaxshi biladi. Xar qanday mijoz topshirig‘ini tez anglabolishi va sharoitga tez moslasha olishi, axborot maslahat markazidagi ma’lumotlar tashqariga chiqib ketmasligi va ularga to‘lanadigan ish haqi tashqi maslahatchiga nisbatan bir qancha kamligi ularning afzallik tomonlaridir. Lekin salbiy tomonlari shundaki, ularga doimiy ravishda oylik maosh to‘lash kerak, ularning malakasini oshirish maqsadida xarajat qilishga to‘g‘ri keladi va ularning mijoz topshirig‘iga ijodiy qarashlari doim ham talab darajasida bo‘lmasligi mumkin.
Tashqi maslahatchilarning dunyoqarashi keng, boshqa sohalar boshqaruvi bo‘yicha ham ma’lumotlarga ega ekanligi, kompaniya muammolariga o‘zgacha qarashlar, yangi g‘oyalar va ijodiy qarashlar bilan mijoz topshirig‘ini bajarishi ijobiy tomoni bo‘lsa, salbiy tomoni shundaki, mijoz bilan uning muammosini to‘laqonli o‘rganishi uchun muloqat qilmasligi, ko‘rsatayotgan xizmati sifatining kafolatlanmaganligi va ularga to‘lanadigan haq juda kattaligidir. Shunga qaramay axborot maslahat markazi o‘z mijozlariga muammolarini yechishda va ularga hizmat ko‘rsatishda o‘z salohiyatlari yetmaganda yoki mutaxasis bo‘lmaganda tashqi maslahatchilarga murojat qilishlariga to‘g‘ri keladi.