Agrokonsalting

Umumiy boshqaruv bo‘yicha konsultatsiya berish, ya’ni muammolarni yechishda ko‘maklashish (ob’yektning mavjudligi va uning rivojlanish bashorati haqida)
Konsultatsiya asoson quyidagi savollarni ko‘rib chiqadi: korxonaning umumiy holatini baholash, tashqi muhitning unga ta’siri, narxlarni aniqlash va narxlashtirishni tizimlash, rivojlanish strategiyasini ishlab chiqish, bashorat qilish, filial va yangi firmalarni shakillantirish, xususiy mulk formalarini o‘zgartirish yoki mulk egalarini o‘zgartirish, mulkga egalik qilish, aksiya yoki sheriklarning tashkiliy tizimlarini rivojlantirish va boshqalar
Faqat uch holatda konsultantlar menejmentning umumiy xolatini ko‘rib chiqishi mumkin.³⁶
Birinchidan. Boshqaruv faoliyatini tadqiqot qilganda ko‘pchilik konsultantlarda amaliyotning tan olingan usuli mavjud bo‘lib, unda aniq muammolarni yechishdan oldin korxonaning qisqacha tahlili va umumiy tadqiqoti mavjud bo‘lmog‘i kerak.
Ikkinchidan. Aniq yo‘naltirilgan funksiyali tadqiqotlarda umumiy boshqaruv tizimidagi o‘zgarishlar aniqlanadi, ya’ni konsultant boshqaruv muammosini hal qilib aniq masalani ko‘rib chiqishi kerak.
Uchinchidan. Masalani yechishda, ular bir yoki bir necha umumiy menejmentga ta’lluqli bo‘lgan masalalarni ko‘rib chiqadi. Bunday masalani yechishda keng tadqiqotlar formasini olishi mumkin, bunda qisqa diagnostika xisobotlari tan olinmaydi, ayniqsa bu muammolar yuqori boshqaruv pog‘onasiga tegishli bo‘lsa, ya’ni umumiy tashkilot boshqaruvi kursi muammolari. Bunda loyihalarni amalga oshirishda ko‘p vaqt sarflanishi mumkin. Masalan: yangi firmaning rivojlanish strategiyasiga 6-9 oy sarflanishi mumkin.
Ma’muriy boshqaruv konsaltingi. Kompaniyaning shakllanishi va ro‘yxatga olinishi, ofis ishlarini tashkil qilish, ma’lumotlarni qayta ishlash, ma’muriy nazorat tizimi kabi savollar bilan shug‘ullanadi. Ularning asosiy maqsadi korxonaning boshqaruvini optimallashtirishdir.
Ular qo‘yidagi savollar bo‘yicha maslahat berishi mumkin.

• 
  bo‘lim va bo‘linma funksiyalarini aniqlash;
  
• 
  boshqaruv pog‘ona sonlarini optimallashtirish;
  
• 
  mehnat intizomini yaxshilash;
  
• 
  bo‘lim funksiyalariga qarab uning muhimligini aniqlash;
  
• 
  ish sanoatini joriy qilish, ofislarni rejalashtirish va ularni
  

jihozlash.