Agrokonsalting

Nazorat uchun savollar?
1. Qishloq xo‘jaligida axborot-maslahat markazlarining huquqiy asoslari va tashkiliy tuzulmasiqanday?
2. Axborot-maslahat markazlarini barqarorlashtirish yo‘llari.
3. Korxona faoliyatini oqilona tashkil etish va samarali boshqarishda rahbarning shaxsiy fazilatlari. Axborot maslahat markazlari ta’sischilari kimlar?


4-M A V Z U: Agrokonsalting xizmatini tashkil etishning asosiy yo‘nalishlari va usullari

REJA:
1.Qishloq xo‘jaligi faoliyatini tashkil etishda agrokonsalting xizmatining roli va ahamiyati.
2.Taklif etilayotgan xizmatlar ko‘lami va ixtisoslashuvi.
3. Konsultativ tashkilotlarining asosiy turlari.
4.Boshqaruvda intellektual tadbirkorlik tushunchasi.
5.Agrokonsalting faoliyatini tashkil etishning ilg‘or texnologiyalari va usullari


Tayanch iboralar: boshqaruv, intellektualtadbirkorlik,axborot-konsalting, menejment, tadbirkorlik, kichik-biznes,xizmatlar ko‘lami, ixtisoslashuv

1–savol
Qishloq xo‘jaligi faoliyatini tashkil etishda agrokonsalting xizmatining roli va ahamiyati.
Axborot-konsalting markazlari faoliyatini barqarorlashtirish, ular ko‘rsatayotgan xizmatlarga talabni oshirish ko‘p jihatdan xizmat ko‘rsatishning metodologik jihatdan nisbatan zamonaviy hamda innovatsion tizimi va shakllarini qo‘llashga bogliq bo‘lib qolmokda. Chunki, butungi fermer xo‘jaligi rahbari yoki qishloq tadbirkori 10-15 yil oldingi fermer yoki tadbirkor emas. Bugungi kunda ular yegarli darajadagi iqtisodiy-huquqiy va agrotexnologiyalar bo‘yicha maxsus bilim va malakaga ega, axborot kommunikatsiya texnologiyalari xizmatlari sohasidan xabardor, internet tarmog‘i, uyali aloqa va boshqa zamonaviy aloqa vosita va usullarini o‘zlashtirgan fermer va tadbirkorlar hisoblanadilar.
Shu bois axborot-konsalting xizmatini taklif qilish usulini tanlashda fermer-tadbirkorlarning ham mintalitetini hisobga olish o‘ta muhim.
Qishloq xo‘jaligida axborot-konsalting xizmatini tashkil etish hamda ko‘rsatishni takomillashtirish maqsadida fermer va dehqon xo‘jaliklari hamda qishloq tadbirkorlariga axborot-konsalting xizmati ko‘rsatishning metodologik jihatdan nisbatan zamonaviy va innovatsion tizimi tavsiya etiladi (4.2- rasm).