Agrobiznesda innovatsion faoliyat

Guruhlarda ishlash uchun topshiriq
Topshiriq. Tijorat (moliyaviy) samaradorligi va byudjet samaradorligi orasidagi bog‘liqlik va farklar yuzasidan savolga javob bering.
“diagramma venna”

1. 
   muammoli masalani tanlang va ularga tavsifnoma bering.
   
2. 
   Aylana diagrammaga har biriga berilgan tavsifnomani yozing.
   
3. 
   Taqqoslang va ularning umumiy tamonini toping.
   
4. 
   Diagramma vena aylanasini biriktirishga harakat qiling.Aylana ichiga umumiy aspektini yozing.
   

O‘ZBEKISTON RESPUBLIKASI OLIY VA O‘RTA MAXSUS TA'LIM VAZIRLIGI

TOSHKENT DAVLAT AGRAR UNIVERSITETI
“AGROBIZNES VA INVESTITSION FAOLIYAT” YO‘NALISHI
2- KURS TALABALARI UCHUN
“ AGROBIZNESDA INNOVATSION FAOLIYAT”
FANIDAN MUSTAQIL ISHLARINI TAYYORLASH UCHUN USLUBIY KO‘RSATMA


Toshkent – 2020
Mazkur uslubiy qo‘llanmada qishloq xo‘jaligini rivojlantirish, agrobiznesda innovatsion faoliyatga oid me'yoriy-huquqiy hujjatlar, innovatsion faoliyat strategiyasi, ko‘p tarmoqli fermer xo‘jaliklarida innovatsion texnologiyalarni qo‘llashning o‘ziga xos xususiyatlari va innovatsion faoliyatga ilmiy yondashuvlar, innovatsion iqtisodiyotning asosiy jihatlarini, uning tarkibini va o‘ziga xos xususiyatlarini, innovatsion rivojlanish modellari mohiyatini, innovatsion iqtisodiyotning shakllanishida ijtimoiy-iqtisodiy rivojlanish bilan bog‘liq turli iqtisodiy va institutsional nazariyalarning tutgan o‘rnini, qishloq xo‘jaligi ishlab chiqarishida innovatsion texnologiyalar samaradorligini aniqlashni mustaqil o‘rganish va mustaqil ishni tayyorlash tartib-qoidalari bo‘yicha ma'lumotlar keltirilgan.
Qo‘llanma agrar oliygohlarning Agrobiznes va investitsion faoliyat yo‘nalishlarida tahsil olayotgan bakalavrlar uchun mo‘ljallangan.

TUZUVCHILAR:	Yusupov E.D. – “Agrobiznes va investitsion faoliyat” kafedrasi mudiri, iqtisod fanlari doktori Isaxonov M. –– “Agrobiznes va investitsion faoliyat” kafedrasi assistenti
TAQRIZCHILAR:	Nabiev E.G‘.–– TMI, “Menejment va marketing” kafedrasi professori, iqtisod fanlari doktori, professor. Qarshiev Sh.–– TDAU, “Agrologistika” kafedrasi dotsenti, iqtisod fanlari nomzodi, dotsent.

Uslubiy qo‘llanma «Agrobiznes va investitsion faoliyat» kafedrasining 2020 yil ______________-sonli, «Innovatsion texnologiyalar asosida qishloq xo‘jalik mahsulotlarini saqlash va qayta ishlash» fakulteti o‘quv-uslubiy komissiyasining 2020 yil ________________-sonli, ToshDAU o‘quv-uslubiy kengashi yig‘ilishining 2020 yil _________________-sonli bayonnomalari bilan ma'qullangan va chop etishga tavsiya qilingan.

Kirish
O‘zbekistonda innovatsion faoliyatni shakllantirish mustaqillikning dastlabki bosqichlaridan iqtisodiyotdagi tarkibiy o‘zgarishlarni amalga oshirish, turli mulkchilik va xo‘jalik yuritish shakllariga asoslangan korxona va birlashmalarning paydo bo‘lishi, ulardagi boshqaruv mexanizmlarini takomillashtirish, texnik jihatdan qayta qurollantirishni yanada rivojlantirish kabilar ustuvor vazifalar sifatida belgilandi. Natijada innovatsiya, innovator, innovatsion loyiha, innovatsion faoliyat, innovatsion jarayon, innovatsion muhit, innovatsion infratuzilma, innovatsion iqtisodiyot, inson kapitali, bilimlar iqtisodiyoti, intellektual salohiyat kabi tushunchalar kundalik hayotimizga kirib keldi va ommalashib bormoqda.
Jahon tajribasi ko‘ra, yangi texnologiyalarning rivojlanishi hamda tovarlar, xizmatlar, ishchi kuchi bozorlaridagi raqobatning kuchayishi milliy korxonalarda innovatsion faoliyatni yanada kuchaytirish va samarali tashkil etishga qaratilmoqda. Bu esa, aholining tez o‘sib, o‘zgarib borayotgan ehtiyojlarini to‘laroq qondirish, so‘nggi kashfiyot ishlanma va texnologiyalarini ishlab chiqarishga tatbiq etish, raqobatdosh mahsulotlar ishlab chiqarish va tovarlar hayotiylik davrining barqaror o‘sib borishini ta'minlovchi zamonaviy usullardan keng ko‘lamda foydalanishni taqozo etmoqda. Agrobiznesda ham hozirgi bozor iqtisodiyoti sharoitida innovatsion faoliyatni har tomonlama mukammal o‘rgangan iqtisodchilarni tayyorlash hayotiy zaruriyat hisoblanadi.
“Agrobiznesda innovatsion faoliyat” fanini o‘qish davomida talabalar qishloq xo‘jaligini rivojlantirish, Agrobiznesda innovatsion faoliyatga oid me'yoriy-huquqiy hujjatlar, innovatsion faoliyat strategiyasi, ko‘p tarmoqli fermer xo‘jaliklarida innovatsion texnologiyalarni qo‘llashning o‘ziga xos xususiyatlarini va innovatsion faoliyatga ilmiy yondashuvlar, innovatsion iqtisodiyotning asosiy jihatlarini, uning tarkibini va o‘ziga xos xususiyatlarini, innovatsion rivojlanish modellari mohiyatini, innovatsion iqtisodiyotning shakllanishida ijtimoiy-iqtisodiy rivojlanish bilan bog‘liq turli iqtisodiy va institutsional nazariyalarning tutgan o‘rnini o‘rganadilar.

“ Agrobiznesda innovatsion faoliyat” fanidan:

1. 
   Fanga ajiratilgan umumiy soat - 108 soat.
   
2. 
   Fanga ajratilgan mustaqil ta'lim soati - 96 soat.