Аграр тармоқ иқтисодий салоҳиятини оширишда институционал ислоҳотлар ва

 
 
 
 

---

 
44 
AGRAR TARMOQ IQTISODIY SALOHIYATINI OSHIRISHDAGI 
MUAMMO VA YECHIMLAR 
 
S.S.Abdullayev
 TDAU magistri 
L.I.Xojaboyeva
 TDAU talabasi 
Bugungi kunda qishloq xoʻjaligi iqtisodiyotning yetakchi sohalaridan biri 
boʻlgani bois uni izchil rivojlantirish doimiy eʼtiborda turibdi. Xususan, agrar 
tarmoq imkoniyatlaridan keng foydalanish, ayniqsa, eksport salohiyatini oshirish 
iqtisodiy taraqqiyot kun tartibidagi asosiy masalalardan biriga aylangan, desak 
mubolagʻa boʻlmaydi. Prezidentimizning “Qishloq xoʻjaligi mahsulotlarining sifat 
va xavfsizlik koʻrsatkichlari xalqaro standartlarga muvofiqligini taʼminlashga doir 
qoʻshimcha chora-tadbirlar toʻgʻrisida”gi Farmoni ham ayni maqsadga 
yoʻnaltirilgani bilan ahamiyatlidir. Shu hujjat bilan Oʻzbekiston Respublikasida 
organik qishloq xoʻjaligi va organik oziq-ovqat mahsulotlari ishlab chiqarishni 
rivojlantirish konsepsiyasi va uni amalga oshirish yuzasidan tegishli “yoʻl xaritasi” 
tasdiqlandi. Shu jihatdan Konsepsiyada organik qishloq xoʻjaligi va oziq-ovqat 
mahsulotlarini ishlab chiqarish, qayta ishlash, transportda tashish, saqlash, 
tamgʻalash, realizatsiya qilishni tartibga soladigan normativ-huquqiy bazani 
yaratish nazarda tutilgan. Bu juda muhim masala, chunki aholini xavfsiz va sifatli 
mahsulotlar bilan taʼminlash va shu bilan bir qatorda, tabiiy muhit uygʻunligini 
saqlash masalalari barcha taraqqiy topgan mamlakatlarda dolzarb masalaga 
aylangan
10
. Shu boisdan, yurtimizda ushbu soha bir tekisda rivojlanishi uchun 
undagi munosabatlarni tartibga soluvchi qonunchilik negizini shakllantirish zarur.
Konsepsiyada organik mahsulotlar va xomashyolarni ishlab chiqarish uchun 
malakali kadrlarni tayyorlash va ularning malakalarini oshirish, milliy ishlab 
chiqaruvchilar uchun ichki bozorlarni rivojlantirish va eksport geografiyasini 
kengaytirish, 
organik 
mahsulotlar 
va 
xomashyolarni 
ishlab 
chiqarish 
doirasidagi ilmiy-tadqiqotlarni kengaytirish kabi yoʻnalishlardagi muhim chora-
tadbirlar ham nazarda tutilgan. Umuman, bu Farmon agrar tarmoq 
imkoniyatlaridan keng foydalanish, aholini xavfsiz oziq-ovqat bilan taʼminlash 
hamda eksport salohiyatini oshirishga xizmat qiladi. 
Bugungi kunda iqtisodiy islohatlarning butun zanjirida agrar sohadagi 
o‘zgarishlarga g‘oyat katta ahamiyat berilmoqda. Bu esa aholining aksariyati 
qishloqda yashashi, iqtisodiyotning agrar-sanoat tarzida ekanligi hamda xayotiy 
muhim muammolarni hal qilishda qishloq xo‘jaligining tutgan o‘rni bilan bog‘liq. 
Hozir iqtisodiyotning Ayni agrar sohasi katta imkoniyatlarga ega. Bu 
imkoniyatlardan foydalanib, aholini oziqovqat va sanoatni xom ashyo bilan 
taminlashni yaxshilabgina qolmay, respublika qishloq aholisining turmushini 
farovon qilish ham mumkin. Qishloq xo‘jaligida o‘zgarishlar demokratik usullar 
bilan, avvalo, dehqonchilik sohasidagi mavjud ijtimoiy-iqtisodiy munosabatlarni 
tubdan o‘zgartirish hisobiga amalga oshiriladi.
10
Xalq so’zi 23.05.2020

---